УЕФА президенти Александр Чеферин «Реал» ва Европа Суперлигаси раҳбари Флорентино Переснинг сўзларига изоҳ берди, Перес 53 ёшли словениялик функциянерни ўз ўрнида кўришни истамаслигини айтганди.

«Флорентино Перес мени УЕФА раҳбари сифатида кўришни хоҳлайдими? Бу мени қолиш учун янада кўпроқ мажбур қилади. Перес президент унга бўйсунишини ва хоҳлаган ишини қилишини истайди», - дея Черефериннинг сўзларини келтиради журналист Фабризио Романо Тwиттерда.

Эслатиб ўтамиз, аввалроқ Перес Chiringuito нашрига берган интервьюсида: “Чеферин Андреа Анеллини ҳақорат қилди. Бу қабул қилиниши мумкин эмас ҳодиса. «Ювентус» каби йирик клуб президентининг ҳаракатларини муҳокама қилиш ақлдан озишлик билан баробар. УЕФА ўзгариши керак, биз бошқа бир президентни ҳақорат қилган президентни кўришни истамаймиз”, деган эди.

Эслатиб ўтамиз, Европа Суперлигаси лойиҳаси Европанинг 20 та энг яхши клублари иштирок этадиган битта лига яратишни назарда тутган эди. Суперлигада иштирок этишни “Милан”, “Арсенал”, “Атлетико Мадрид”, “Челси”, “Барселона”, “Интер”, “Ювентус”, “Ливерпул”, “Манчестер Сити”, “Манчестер Юнайтед”, “Реал” ва “Тоттенхем" каби энг яхши клублар тасдиқлашди.