«Ювентус» чоршанба оқшоми Италия чемпионати 32-туридан ўрин олган ўйинда «Парма»ни 3:1 ҳисобида енгди. Меҳмон жамоанинг ягона голига учрашув бошида Гастон Бругман муаллифлик қилди. Диққатни тортган томони, «Парма» вакили жарима зарбасини амалга оширганида, «Ювентус» етакчиси Криштиану Роналду негадир юқори сакраш ўрнига бироз энгашиб, юзини қўллари билан ёпиб олди...
Мухлислар ва мутахассислар ушбу лавҳага нисбатан бир хил муносабат билдиришди: «Роналду тўп тегишидан қўрқар экан, унинг «жонли девор»га киришидан нима маъно?» @powellyowl ники остида ёзувчи фанат эса, барчасини Криштианунинг анчадан буён жарима зарбасидан гол уролмаётганига боғлади: «Жонли девор»даги Роналду жарима зарбасини тепишга чоғланган Роналдудан ҳам нўноқроқ экан...».
Таниқли журналист Танкреди Палмери ҳам португалиялик юлдуз ҳаракатидан роса ажабланганини яширгани йўқ: «Криштиану Роналду «жонли девор»да яна бир бора ношуд кўринди ва «Парма»нинг гол уришига имкон берди. Ҳар ҳолда, ўша вазиятда биргина Криш сакрамади. Роналду чиройли юзини шу қадар авайлар экан, шунчаки, уни «жонли девор»га қўйманг». Ижтимоий тармоқларда қолдирилган изоҳлар ҳам хилма-хил. Мана, улардан бири: «Роналдуга бежиз «Португалиялик Анжелина Жоли» лақаби берилмаган. У ўйинга борини бергани йўқ, аксинча, ҳурлиқолар қойил қолишлари учун юзини бенуқсон сақлаш ҳақида кўпроқ ўйлади. Клоунадо!» Ҳа, Криш жорий мавсум «жонли девор»даги хатти-ҳаракати ортидан биринчи марта айбланаётгани йўқ. Дейлик, ЧЛ 1|8 финали доирасида «Порту»га қарши кечган баҳсда шунга ўхшаш ҳолат кузатилди - Сержиу Оливейра жарима нуқтадан зарба йўллагач, Роналду ўзини тўпдан олиб қочгандек туюлди. Якунда гол ва «Ювентус» турнирдан чиқиб кетди. Кейин ҳаттоки, клуб афсоналари - собиқ ҳужумчи Никола Аморузо ва собиқ бош мураббий Фабио Капелло ҳам португалияликни жиддий танқид остига олишди. «Шахсан мен Криштиануни ҳеч қачон «жонли девор»га қўймасдим. У тўп юзига тегишидан қўрқади, чунки ўз имиджига ўта ғамхўр...», - деди жумладан Аморузо. Капелло ҳам бу фикрни тўла қўллаб-қувватлади: «Кройфф вақтида чиройли футболчиларни ҳеч қачон «жонли девор»га қўймаслик кераклигини айтганди. Зеро, улар тўпни тўсишни эмас, юзларини сақлашни кўпроқ ўйлашади».
Сўз
- Афсуски, охирги вақтларда бугунги голникига ўхшаш вазиятлар кўп кузатилмоқда. Кейинги ўйингача барчасини таҳлил қилиб чиқамиз ва Криштиануни «жонли девор»га қўйиш-қўймаслик масаласида аниқ тўхтамга келамиз, албатта. Андреа Пирло («Ювентус» бош мураббийи, «Парма»га қарши кечган ўйиндан сўнг).
Муҳаммадсодиқ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20