Россия Премьер-лигаси доирасидаги «Ахмат» - «Сочи» учрашуви пайти ғайриоддий ҳолат кузатилди. Ўйин давом этаётган паллада майдонда илон пайдо бўлди. Бунга биринчи бўлиб «Ахмат» дарвозабони Георги Шелия эътибор қаратди.
Стадион ходимлари илонни майдондан чиқариб ташлашди ва ўйин давом этди. Лекин ижтимоий тармоқларда бу воқеа кенг муҳокама қилинди, ҳазиломуз постлар кўпайди. Қуйида уларнинг айримлари билан танишишингиз мумкин.
*** «Илон жарима майдончаси ичига ёриб кирди! «Ахмат» дарвозаси олдида хавфли вазият! Кутилмаган меҳмон қизил карточкасиз четлатилди».
*** «Ҳозирча «Ахмат» - «Сочи» ўйинидаги энг хавфли вазият - майдонга илоннинг тушишидир».
*** «Грознийдаги майдонда илон, Карпиннинг «Ростов»ни тарк этиши, нималар бўляпти?»
*** «Валерий Карпин «Ростов» ФК бош мураббийлигидан бўшатилди. Унинг ўрнига «Ахмат-Арена» стадионидаги илон тайинланди».
*** «Грознийда илон? «Спартак»да ҳар бир ўйиндан кейин илон «Телеграми» орқали кўриниш беради».
*** «Агар «Ахмат» - «Сочи» баҳсида жарима майдончаси ичига илон кириб борса, демак, нариги жарима майдончаси ичида бақа бўлади».
Умуман, Грознийда тез-тез илонларни учратиш мумкин. Маҳаллий ҳукумат вакиллари аҳолини тинчлантиришади: заҳарли илонлар йўқ, уларни ўлдириш шартмас, бу жонинорлар шунчаки, жазирама иссиқ сабаб инларини тарк этиб, совуқроқ жой қидиришади.
Масалан, 2018 йилнинг ёзида Чеченистонда олтита илон чақиш ҳолати кузатилган. Уларнинг ҳеч бири ўлим билан якунланмаган.
Ҳ.АТАВУЛЛАЕВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20