Россиялик Даниил Фомин «нуқта»дан зарба йўллашда ўта даҳшатли. Бу борада ҳаттоки, тан олинган пенальтичи Серхио Рамос ҳам унинг ёнига тушолмайди. Гап Москва «Динамо»си вакилининг 18та пенальтидан 18та гол урганида ҳам эмас. Дарвозабонлар 24 ёшли Даниилнинг 11 метрли нуқтадан берган зарбаларидан кейин атиги 4 марта тўп йўланишини топишди, холос. РПЛнинг янги юлдузи ижрочидаги барча пенальтилар:
2та - «Краснодар» ёшлар жамоасида (ўринбосарлар турнири)
5та - «Нижний Новгород»да (биринчи дивизион ва РПЛга чиқиш учун «плей-офф» ўйинлари)
4та - «Уфа»да (РПЛ)
7та - «Динамо»да (РПЛ ва Россия кубоги)
Фомин 18та уринишида бирор марта тўпни марта марказ томон тегмаган - барчасида дарвоза бурчагини нишонга олган (8 марта чап ва 10 марта ўнг тарафга). Қолаверса, у деярли ҳар сафар дарвозабонни чалғитади, атиги 4та ҳолатда киперлар тўп йўналишини топишган, холос. Қисқаси, Фомин билан «дуэл»га киришган дарвозабонлар 77 фоиз ҳолатда тўп тепилган бурчакка эмас, бошқа томонга ташланишган. У пенальти тепишда Серхио Рамос, Бруну Фернандес, Жоржиньо ёки Артём Дзюба каби аслардан ажралиб туради. Яъни тўпга зарба бериш чоғи ҳам секинлашмайди, аксинча, суръатни бир маромда ушлайди. Қолаверса, гўёки қайси бурчакка тепишни олдиндан белгилайди ва танловини ўзгартирмайди. Баъзан тўпни бир метрча баландликда йўналтиради. Энг асосий аномалия шуки, Даниил танлаган томонни деярли ҳеч ким тахмин қилолмайди.
Ҳозирга қадар фақат 3 нафар кипер Фомин зарбаларидан кейин тўп йўналишини топган. Булар - Темур Акмурзин («Рубин» ёшлар жамоаси), Георгий Шелия («Томь») ва Александр Беленов («Уфа»). Шулардан Беленов 2 марта йўналишни топган, лекин тўпга етолмаган, барибир. Гап РПЛ тарихида пенальти тўсиш борасида иккинчи ўринда турган кипер ҳақида кетмоқда (рекордчи Игорь Акинфеев 20та, Беленов эса 19та «дуэл»да ғолиб чиққан). Қолаверса, Александр Бошқирдистон пойтахтида Фомин билан бирга ўйнаган. «Уфа» билан ўша ўйиндан кейин Даниил бу борада алоҳида тўхталганди: «Беленов мени яхши билади, ахир бирга ишлаганмиз, жумладан, пенальти устида ҳам. У машғулотларда кўплаб зарбаларимни тўсган, шунинг учун бироз ҳаяжонландим». Айнан Беленов собиқ жамоадошининг ажойиб сериясига нуқта қўйишга яқин келди, аммо... Фомин ҳаттоки, ўша Игорь Акинфеевни ҳам бошқа бурчакка «ётқизиш» уддасидан чиққанди.
Хўш, Фоминнинг пенальти тепиш сири нимада?
1. Муайян бурчакка меҳри йўқ - бир сафар чап томонга, кейингисида ўнг тарафга тепиши мумкин.
2. Тўпни марказга тепиб, таваккал қилмайди, зарбагача катта тезликда югуриб, ўзини қийнамайди. Фақат меъёрий тезликни туширмайди.
3. Ўткир бурчакни мўлжалга олмайди. Яъни дарвоза устунигача камида 20 сантиметр масофа қолишини таъминлайди.
4. Тахмин: нигоҳи, югуриш суръати, танаси ва оёғи ҳаракати билан дарвозабонларни чалғитади.
5. Яна тахмин: 18:0 статистикасига эга пенальтичи рўпарасида ҳар қандай кипер руҳан қийналса керак...
Ҳ.МАСАИДОВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20