Эндиликда Европада энг садоқатли футболчи мақоми ЦСКА дарвозабони Игорь Акинфеевга тегишли. Лионель Месси ва Серхио Рамос каби «абадий» содиқ ўйинчилар муайян клубда узоқ вақтдан буён ўйнаётганлар рейтингининг кучли 10талигидан четга чиқишди. Натижада россиялик яна бир кипер Антон Шунин элит рўйхатга кирди, Гильерме ва Алан Загоев эса бунга яқинлашишди. Transfermarkt портали 2020 йилнинг апрелида Европанинг кучли 10та лигаси клублари таркибига қараб, энг содиқ футболчилар рейтингини шакллантирганди. Ўшанда кучли 10таликда асосан Испания Ла Лигаси вакиллари жой олишганди. Қаранг, 2021 йилнинг август ойига келиб, содиқлар рўйхатида Испаниядан биргина Марсело қолди, тўғри, «Осасуна» фахрийси Ойер топ-10га янги аъзо сифатида қўшилди. Бинобарин, Лионель Месси (2003-2021 йиллар оралиғида «Барселона») ва Серхио Рамос (2005-2021 йиллар оралиғида «Реал») жонажон жамоалари билан хайрлашишди. Демак, содиқ футболчилар рейтингини янгилаш вақти келди. Шартлар ўша-ўша - Европанинг кучли 10та лигасида узлуксиз битта клубда тўп суриш. Эндиликда Европада энг садоқатли футболчи мақоми ЦСКА дарвозабони Игорь Акинфеевга тегишли. Лионель Месси ва Серхио Рамос каби «абадий» содиқ ўйинчилар муайян клубда узоқ вақтдан буён ўйнаётганлар рейтингининг кучли 10талигидан четга чиқишди. Натижада россиялик яна бир кипер Антон Шунин элит рўйхатга кирди, Гильерме ва Алан Загоев эса бунга яқинлашишди. Transfermarkt портали 2020 йилнинг апрелида Европанинг кучли 10та лигаси клублари таркибига қараб, энг содиқ футболчилар рейтингини шакллантирганди. Ўшанда кучли 10таликда асосан Испания Ла Лигаси вакиллари жой олишганди. Қаранг, 2021 йилнинг август ойига келиб, содиқлар рўйхатида Испаниядан биргина Марсело қолди, тўғри, «Осасуна» фахрийси Ойер топ-10га янги аъзо сифатида қўшилди. Бинобарин, Лионель Месси (2003-2021 йиллар оралиғида «Барселона») ва Серхио Рамос (2005-2021 йиллар оралиғида «Реал») жонажон жамоалари билан хайрлашишди. Демак, содиқ футболчилар рейтингини янгилаш вақти келди. Шартлар ўша-ўша - Европанинг кучли 10та лигасида узлуксиз битта клубда тўп суриш.

10-ўрин: Марсель ШМЕЛЬЦЕР («Боруссия» Д.), Маҳмуд ТЕКДЕМИР («Истанбул»), Владимир ЧЕСНАКОВ («Ворскла») - 14 йилу +1 ой

10-ўринда бирданига 3 нафар футболчи. Эътиборлиси, улар тенгдош - 33 ёшдалар. Шмельцер 17 ёшидан Дортмунд «Боруссия»си ихтиёрида. Айтганча, бу трио ортида «Локомотив» дарвозабониГильерме бор - унинг Москва клуби сафига қўшилганига 14 йилдан ошди. Алан Загоевнинг ЦСКАдаги узлуксиз даври эса 13 йилу 7 ойдан кўп.

9-ўрин: Андрей ПЯТОВ («Шахтёр») - 14 йилу +7 ой

«Шахтёр»нинг 37 ёшли сардори ҳақли равишда садоқатли футболчилар рейтингидан жой олди. «Ворскла»да кўзга ташланган кипер Донецк клуби ихтиёрига 2006 йили ўтганди, аммо ўша мавсум якунигача эски клубида қолган. 2007 йилдан эса фақат «Шахтёр»да ўйнади. Дарвоқе, Пятов Украина миллий жамоасидаги фаолиятини яқинда, Евро-2020дан кейин тугатди.

8-ўрин: Антон ШУНИН («Динамо» М.) - 14 йилу +7 ой

2007 йилдан буён фақат 1та клуб дарвозасини қўриқлаётган яна бир дарвозабон. Умуман, Шунин 1994 йилдан «Динамо» тизимида. У ортда қолган вақт давомида клубнинг деярли 300та ўйинида қатнашди ва бу кўрсаткич бўйича «Динамо» тарихидаги гвардиячилар рўйхатида 11-ўринга кўтарилди. Шунин элит рейтингда фақат собиқ иттифоқ даврида ўйнаган афсоналардан орқада, холос. Дейлик, 358та ўйинга эга Лев Яшин 3-ўринда.

7-ўрин: МАРСЕЛО («Реал») - 14 йилу +7 ой

Бразилиялик ҳимоячи фаолиятини «Флуминенсе»да бошлади ва 18 ёшидаёқ Европада кўзга ташланди. «Реал» 2007 йилнинг январида Марсело трансферига 7 миллион евро тўлади ва адашмади. Ҳар ҳолда, у Мадридда ватандоши Роберто Карлос ўрнини муносиб тўлдирди. Марсело энди «Реал» сардори. Факт: 1904 йилдан буён «Реал» сардорлик боғичи фақат испаниялик футболчиларга топширилаётганди.

6-ўрин: Сэмми БОССУТ («Цульте Варегем») -

15 йилу +1 ой

Бельгиялик дарвозабон профессионал дебютини 2003 йили учинчи лига вакили - «Спортинг Вест»да нишонлаган. У атиги 3 мавсумдан кейин «Цульте Варегем» либосини кийди ва 2013 йили Бельгия вице-чемпионига айланди, кейинчалик мамлакат кубогини ҳам ютди. Сэмми Бельгия миллий жамоа­сининг атиги 1та ўйинида қатнашди. Бироқ ЖЧ-2014 арафасида Люксембург термасига қарши кечган ўша баҳс (5:1) ҳам ФИФА реестрига киритилмаган. Гап шундаки, бельгияликлар захирадан футболчи тушириш лимитига риоя қилишмаган.

5-ўрин: Жоржо КЬЕЛЛИНИ («Ювентус») -

16 йилу +1 ой

Кьеллини фаолиятининг дастлабки 5 йилини «Ливорно»да ўтказди. «Ювентус» уни мавсум-2004/2005 арафасида 6,5 миллион еврога харид қилди, лекин дарҳол трансфер ҳуқуқининг 50 фоизини «Фиорентина»га сотди. Футболчи Флоренциядаги дебютидаёқ ёрқин таассурот қолдирди, шундан кейингина «Юве» яна 4,3 миллион тўлаб, ҳимоячини Туринга қайтарди. Ўтган йили Жоржонинг Евро-2020дан кейин нафақага чиқиб, «Ювентус» раҳбариятида иш бошлаши айтилганди. Амалда Европа биринчилигининг энг ёрқин фахрийси шартномаси муддатини 2023 йилнинг ёзигача узайтирди. Эслатма, Кьеллини яқинда 37 ёшга тўлди.

4-ўрин: Франческо Маньянелли («Сассуоло») - 16 йилу +1 ой

«Сассуоло» сардори ўзига мос клубни 2005 йили, бошқа жамоалардаги 5 мавсумдан кейин топган. У шундан сўнг камтарин «Сассуоло» билан катта тарихга арзирли йўлни босиб ўтди: тўртинчи дивизиондан «А» серияга қадар кўтарилди. У энди ўйинлари сони бўйича клубнинг мутлақ рекордчиси - 468та.

3-ўрин: ОЙЕР («Осасуна») - 16 йилу +1 ой

35 ёшли испан ярим ҳимоячиси - «Осасуна» тарбияланувчиси. У 2005 йили иккинчи жамоада дебют қилди, кейин асосий таркибга қўшилди. Клубда аллақачон 300та ўйин маррасидан ошган Ойер бирор марта Испания миллий жамоасига чақирилмаган, лекин у Басклар мамлакати бош термасида ўйнаш тажрибасига эга. Фахрий футболчининг энг катта ва ягона соврини - Сегунда-2019 олтин медали.

2-ўрин: Марк НОБЛ («Вест Хэм») - 17 йилу

+7 ой

«Вест Хэм» намунали сардор ва чин афсонага эга. Ноблнинг жамоадаги ҳурмати шу қадар баланд­ки, у раҳбариятни ҳам бемалол ошкора танқид қилиши мумкин. Дейлик, Марк ўтган йилнинг сентябрь ойида 22 ёшли ярим ҳимоячи Грэйди Дианганани сотиш қарорига кескин норозилик билдирди: «Жамоа сардори сифатида хафаман, ўзимни қўярга жой тополмаяпман. Афсус, келажаги порлоқ футболчини йўқотдик». Нобл «Вест Хэм» сафида 500тадан ортиқ ўйин тўплашга улгурган клуб гвардия­чилари рўйхатида катта фарқ билан етакчилик қилмоқда. У март ойида шартномаси муддатини 1 йилга узайтирди. Катта эҳтимолки, бу 34 ёшли фахрий учун охирги келишув бўлади.

1-ўрин: Игорь АКИНФЕЕВ -суратда (ЦСКА М.) - 18 йилу +7 ой

Замонавий футболдаги энг садоқатли футболчи. Игорь бутун фаолиятини ЦСКАга бағишлади. У ҳар доим Россияда бошқа клуб учун ўйнолмаслигини таъкидлаб келган. ЦСКАда дарвозабонларни шуғуллантираётган Дмитрий Крамаренконинг фикрича, Акинфеев ҳали-вери футболдан кетмайди: «Менимча, Игорь камида яна 5 йил юқори даражада ўйнашга қодир. Буффонга қаранг, 40 ёшида ҳам дунёнинг энг яхши киперлари қаторида ва ҳамон сафда. Асосийси, Игорнинг саломатлиги ўйнашда давом этишига имкон беради». Акинфеев ЦСКА тизимига 1991 йили 4 ёшида келганди. Орадан 30 йил ўтдики, унинг клубдан айрилгиси йўқ. Шунчаки, ақлга сиғмайди!

А.АБДУВАЛИХЎЖАЕВ тайёрлади