Хабарингиз бор, англиялик ярим ҳимоячи Жек Грилиш 100 миллион фунт эвазига «Астон Вилла»дан «Манчестер Сити»га ўтиб, шу тариқа Британия футболи тарихидаги энг қимматбаҳо футболчига айланди.
Шундан сўнг Бирмингем жамоаси мухлислари томонидан ушбу жараёнга турлича муносабат билдирилди. Нима, клубнинг энг ёқимтой футболчиси бошқа ерга кетадию, ишқибозлар ранжимасинларми? Албатта, бундай ҳолат футболда тез-тез учраб туради, биргина мисол сифатида Луиш Фигунинг «Барселона»дан «Реал»га кўчиб ўтганидан кейин рўй берган воқеаларни ёдга олиш кифоя.
«Астон Вилла» эса мухлислар хоҳишини инобатга олиб, жорий йилнинг 14 июль - 5 август оралиғида Жек Грилишнинг номи туширилган футболкаларни сотиб олганларга ушбу либосларни бошқасига алмаштириб беришни таклиф қилди. Мазкур таклиф 31 августгача амалда бўлади.
Буни қарангки, «Астон Вилла» фанатлари орасида Грилишнинг кетишидан жуда қаттиқ ранжиганлар ҳам топилди. Улардан бири эътироз тарзида англиялик футболчининг номи туширилган футболкани ёқиб юборди.
Вазиятга ўзгача ёндашганлар, клуб либосини муқаддас билувчилар ҳам топилади, албатта. Шундайлардан бири «Грилиш» ёзувини шунчаки, скотч ёрдамида ёпди-қўйди. Нима ҳам дердик, оқилона фикр, либос бутун, барча мамнун, асосийси, маълум миқдорда сарфланган пулга ачинмайди.
Шунақа гаплар, муҳаббатнинг нафратга айланганини бир бўлак скотч орқали намоён этса ҳам бўлади.
Ҳ.АТАВУЛЛАЕВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20