Динозаврларнинг янги турига машҳур футболчи номи берилди. Қизиқ, олимлар нега айнан Андрес Иньестани танладилар? Ҳамма гап унинг давомий фаолияти ва барқарорлигида. Асосий факт - Испания футболи фахри шу тариқа Чарльз Дарвин ва Клинт Иствуд қаторига қўшилди.
Андрес Иньеста аллақачон 37 ёшни уриб қўйган бўлсада, ҳамон профессионал футбол ичида ва ҳали кетиш ҳақида ўйлаётгани ҳам йўқ. Ваҳоланки, «Барселона» афсонаси 2020 йилнинг охирида тиззасидан жиддий жароҳатланди ва 140 кун давомида четда қолди. У бу оралиқда «Виссел Кобе» (Япония) клубининг нақ 18та ўйинини ўтказиб юборди. Фахрий футболчи учун катта танаффус. Лекин тиниб-тинчимас Андрес апрель ойида сафга қайтди. Испаниялик ярим ҳимоячининг ҳозирги ҳолатига қарасак, у Япония элит лигаси доирасидаги охирги тур баҳсида қатнашмади, аммо бундан олдин «Кашива Рейсол» ва «Кашима»га қарши кечган учрашувларда тўлиқ 90 дақиқадан жавлон урганди.
23 август куни Андрес ҳаётида муҳим воқеа юз берди: палеонтологлар унинг номини абадийлаштиришди. AS нашри хабарига кўра, олимлар Испаниянинг Бургос шаҳрида илм-фанга ҳали маълум бўлмаган ихнит (динозавр қолдиқлари) топишди. Таъкидланишича, бу динозаврларнинг янги турига мансуб экан. Гап зауроподлар (ёки калтакесак оёқлилар) гуруҳига мансуб тўрт оёқли ўтхўр динозаврлар ҳақида кетмоқда. Бу гуруҳнинг нисбатан ўрганилган вакиллари - диплодоклар, брахтозаврлар ва апатозаврлар. Топилган янги турнинг думи ва бўйни узун, оёғида 4та тирноқ бор. Ҳаммаси зауроподлар учун ғайриоддий: диплодоклар ва апатозаврлар 3та тирноқ билан яшаган. Умуман олганда, бу гуруҳга мансуб динозаврларнинг ҳеч бирида 4та тирноқ аниқланмаган. Янги топилма шуниси билан ҳам ноёб.
Хуллас, янги динозаврга Iniestapodus burgensis («Бургослик Иньестанинг оёғи») номи берилди. Палеонтологлар Андрес ва динозавр ўртасидаги ўхшаш жиҳатларни ҳам алоҳида қайд этишди: осойишталикка йўғрилган қатъийлик, нафислик, аниқ ҳаракат... Ҳа, бу хислатлар «Барселона»нинг собиқ етакчисига хос.
Янги топилган динозаврни машҳур кишилар номи билан аташ биринчи марта кузатилаётгани йўқ. Бунга қадар Чарльз Дарвин (Demandasaurus darwini) ва актёр|режиссёр Клинт Иствуд (Europatian eastwoodi) шундай шарафга лойиқ кўрилганлар.
Ў.УМАРОВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20