Яқиндагина Италиядан Англияга қайтган Криштиану Роналду туманли ўлкада бир уйдан иккинчисига кўчиб ўтишга ҳам улгурди. «Сариқ матбуот»да ёзилишича, бунга португалиялик юлдуз жойлашган ҳудудда қўйлар маърасининг тинмаслиги сабаб экан. Айниқса, эрта азонда қўйлар подасининг шовқини унга ёқмаган. Тўғри, Роналдунинг ўзи буни қатъиян инкор этди.
Криштиану Роналдунинг матбуот вакили ҳам бундай гап-сўз йўқлиги, шовқинли қўйларни журналистлар ўйлаб топишганини таъкидламоқда. Айтиш ўринли, «Реал» - «Ювентус» йўналиши бўйича «қизил иблислар» сафига қайтган голеадор ҳужумчи АПЛдаги такрорий дебютидаёқ «дубл»га эришди, кейин ЧЛда ҳам голлари ҳисобини бойитди. The Sun нашри маълумотига кўра, у айнан АПЛ ва ЧЛдаги икки ўйин оралиғида турар-жой масаласи билан ҳам шуғулланган. Футболчининг оиласи аввалига Чеширдан қўним топди. Криш у ерда 6 миллион фунт стерлингга 7та ётоқхонага эга ҳашаматли уй танлаганди. Роналду орадан ҳеч қанча вақт ўтмай, баҳоси 3 миллион фунтга тенг бошқа хонадонга кўчишни ихтиёр этди. Бунисида 4та автомобилга мўлжалланган гаражи бор. Қисқаси, у биринчи уйда икки ҳафта ҳам тургани йўқ. Бу қадар тез кўчиб ўтишига дарҳақиқат, эрта тонгда бемалол ухлашига халақит берган қўйлар подаси сабаб бўлиши мумкин. Бинобарин, у танлаган уй ям-яшил дала ўртасида эди. Кўринишидан, қўйларни ҳудуддан йўқотиш йўлини тополмаганлар. Уларни тинчлаштиришнинг эса умуман иложи йўқ. Хуллас, кун тартиби, хусусан, уйқу вақтига қатъий риоя қиладиган Криштиануда бошқа турар-жой қидиришдан ўзга чораси қолмаган.
Daily Mail нашрида ёзилишича, футболчининг вакиллари шошилинч кўчишнинг аниқ сабабини келтиришмаган. Энг қизиғи, футболчининг турмуш ўртоғи, Жоржина Родригес хоним сентябрь ойи бошларида «Инстаграм» тармоғидаги саҳифасига фарзандлари билан қўйларни томоша қилаётгани акс этган суратни жойлаштирди. Роналду эса «Инстаграм»га фақат «МЮ» либосидаги фотоларини қўйди, холос. Айтганча, Кришнинг оиласи кўчиб ўтган уй «МЮ»нинг собиқ юлдузи, клуб сафида 100тадан ортиқ гол урган ва бир мавсум «Манчестер Сити»да ҳам тўп сурган Энди Коулга тегишли эди.
А.АҲМЕДОВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20