Миллатлар Лигаси ярим финали доирасида Бельгия ва Франция терма жамоалари 7 октябрь, пайшанба куни ўзаро баҳс юритди.
Туринда ўтган беллашувда умумий ҳисобда дарвозаларга 5та гол урилди. 37-дақиқада Янник Феррейра Карраско ажойиб ҳаракатлари орқали ҳисобни очган бўлса, 41-дақиқага келиб, Ромелу Лукаку Кевин де Брюйненинг узатмасини голга айлантирди ва орадаги фарқни оширди. Жамоалар танаффусга ушбу ҳисобда йўл олди.
Иккинчи бўлимда Франция вазиятни ўнглаш учун қатор ҳужумлар уюштирди ва бу 62-дақиқада ўз самарасини берди: Карим Бензема жарима майдончаси ичида ҳимоячиларни доғда қолдириб, ҳисобни қисқартирди. Ушбу вазиятда Бенземага Килиан Мбаппе ассистентлик қилди. Орадан 7 дақиқа ўтиб, Мбаппе 11 метрлик жарима зарбасини голга айлантириб, мувозанатни тиклади. Ўйин тугаши арафасида Тео Эрнандес супер гол уриб, Францияга ғалабани тақдим этди.
Шу тариқа, Франция терма жамоаси Миллатлар Лигасининг финалига йўл олди. Эндиликда «учранглилар» ҳал қилувчи ўйинда Испания билан тўқнаш келади. Финал ўйини 10 октябрь куни бўлиб ўтади. Италия ва Бельгия терма жамоалари учинчи ўрин учун баҳсда иштирок этишади.
МИЛЛАТЛАР ЛИГАСИ. 1/2 ФИНАЛ
6 октябрь (чоршанба)
ИТАЛИЯ - ИСПАНИЯ - 1:2 (0:2)
Голлар: Пеллегрини (83) - Торрес (17, 45+2).
7 октябрь (пайшанба)
БЕЛЬГИЯ- ФРАНЦИЯ - 2:3 (2:0)
Бош ҳакам: Даниэль Зиберт (Германия).
Италия, Турин. «Альянц Стэдиум».
Голлар: Карраско (37), Лукаку (40) - Бензема (62), Мбаппе (69-пен.), Т.Эрнандес (90).
Бельгия: Куртуа, Денайер, Вертонген, Алдервейрелд, Кастань (Батшуайи, 90+2), Витцель, Тилеманс (Ванакен, 70), де Брюйне, Карраско, Азар (Троссард, 74), Лукаку.
Франция: Льорис, Т.Эрнандес, Варан, Л.Эрнандес, Павар (Дюбуа, 90+2), Погба, Рабьо (Тчуамени, 75), Кунде, Мбаппе, Гризманн, Бензема (Верету, 90+6).
Огоҳлантириш: Вертонген (68, Б.).
3-ЎРИН УЧУН БАҲС
10 октябрь (якшанба)
18:00 ИТАЛИЯ - БЕЛЬГИЯ
ФИНАЛ
10 октябрь (якшанба)
23:45 ИСПАНИЯ - ФРАНЦИЯ
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20