Бельгия миллий жамоаси ва «Реал» клуби дарвозабони Тибо Куртуа УЕФА раҳбариятини кескин танқид остига олмоқда. Унга яқинда якунига етган Европа Миллатлар лигаси турнири умуман ёқмаган кўринади. Тибо хусусан, 3-ўрин тақдирини ҳал қилган ўйин (Италия - Бельгия - 2:1)дан сўнг УЕФА раҳбарларини қайсидир маънода очкўзликда айблашдан ҳам тийилгани йўқ.
«Реал» кипери миллий жамоасининг кетма-кет иккинчи мағлубияти билан тугаган учрашувдан кейин бетартиб турнирлар ва чексиз тақвимдан нолиди:
- Ошкора гапириш керак, бу ўйинлар фақат ва фақат пул учун ўтказилди. Бошқача айтганда, биз УЕФА кўпроқ пул топиши учун майдонга тушдик. Қаранг, 3-ўрин учун баҳсда ҳар икки жамоа таркибини бутунлай ўзгартириб юборди. Агар финал бўлганида, бошқа йигитлар майдонга тушишарди. Бу нимадан далолат? Албатта, УЕФА тақвимида ўйинлар ҳаддан ортиқ кўплигидан.
Айтиш жоиз, Бельгия миллий жамоаси мураббийлар штаби итальянларга қарши баҳсдан олдин Эден Азар ва Ромелу Лукакуни ортга қайтариб юборди. Бунга уларнинг мушакларида чарчоқ аломати сезилгани изоҳ сифатида келтирилди. Умуман, Куртуа Франция термаси билан бўлган ярим финал учрашувидан кейиноқ 3-ўрин учун майдонга тушишдан маъно йўқлигини баралла айтганди:
- Европа Миллатлар лигасида 3-ўринни эгаллаш кимгадир қандайдир аҳамият касб этмайди. Хўш, нима учун ўйин ўтказилиши керак? Шуни сира тушунмаяпман.
«Реал» дарвозабонининг фикрича, ҳозирда юқори даражали футболчиларнинг талабга мувофиқ, дам олишларига имконият йўқ:
- Келаси йилнинг ноябрь ойида жаҳон чемпионатига боришимиз керак, кейин июнгача клублар миқёсида ўйнашда давом этамиз. Албатта, жароҳатлар бўлади. Бироқ буни ҳеч ким ўйламаяпти. Июнь ойи тақвимига Европа Миллатлар лигасининг яна 4та ўйини ҳам қўшилади, шундан сўнг атиги 2 ҳафталик таътил берилади. Аммо бу муддат 12 ой давомида тиним билмайдиган футболчилар учун етарли эмас. Агар кимдир баралла гапирмаса, ҳаммаси ўз қолипида қолаверади. УЕФА Суперлигага қарши чиқмоқда, аммо ўзи бундан баттар иш тутмоқда. Турли ўйинлар, янги турнирлар, Конференциялар лигаси ёки бошқаси... Қисқаси, ҳаммаси бир хил. Раҳбарлар Суперлигага қўшилишни истаган жамоалардан ғазабланишлари мумкин, лекин ўзлари футболчилар ҳақида ўйламаяптилар. Ўз чўнтаклари қаппайса, бас...
Тибо Куртуанинг ҳар 2 йилда бир марта ЖЧ ўтказиш ғоясига муносабати ҳам жуда кескин:
- Қаранг, энди ҳар йили жаҳон ёки Европа чемпионати ўтказиш тизими ҳақида гапира бошлашди. Тўхтанг, бунақада қачон дам оламиз? Ҳеч қачон! Охир-оқибат, футболчилар бирин-кетин жароҳатга йўлиқиб, сафдан чиқишади. Ахир биз робот эмасмиз-ку. Ўйинлар сони тобора кўпаймоқда, дам олиш вақти эса камаймоқда. Энг ачинарлиси, бунга ҳеч ким эътибор қаратмаяпти.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20