Россия. «Нижний Новгород» РПЛ 15-турида «Зенит» меҳмони бўлиб, 1:5 ҳисобида енгилди. Меҳмонлар ҳимоячиси Иброҳимхалил Йўлдошев Питердаги омадсиз учрашувда тўлиқ 90 дақиқа тўп суриш баробарида жамоасининг ягона голига ассистентлик қилди. Ҳамюртимизнинг 45-дақиқадаги узатмасидан кейин Алексей Козлов ягона жавоб голи муаллифига айланди. 2:2 ҳисобида якунланган «Уфа» - «Ростов» ўйинида мезбонлар вакили Остон Ўрунов қайдномадан ҳам четда қолди.
Беларусь. БАТЭ Беларусь чемпионати Олий лигаси 29-тури доирасида сафарда «Торпедо-БелАЗ»ни 3:0 ҳисобида енгди. Борисов жамоасининг биринчи голига ҳамюртимиз Шаҳбоз Умаров ҳаммуаллифлик қилди. Умуман, Ўзбекистон миллий жамоаси вакили ўйинда 73-дақиқагача фаол тўп сурди. «Энергетик-БГУ» эса аксинча, ўз майдонида «Славия-Мозир»га имкониятни бой берди - 2:3. Эътиборли томони, дастлабки дақиқалардан «талабалар» ҳужумида яна Бобур Абдухолиқов - Шаҳзод Убайдуллаев тандеми ҳаракатланди. Бобур 51-дақиқада ўз ўрнини захира вакилига бўшатиб берган бўлса, Шаҳзод тўлиқ вақт тўп суриб, 80-дақиқада пенальтидан гол урди. У шунингдек, жамоасининг биринчи голига ассистентлик қилди. «Энергетик»даги яна бир легионеримиз Дониёр Абдуманнопов эса ҳамон жароҳат туфайли четда.
БАА. Мамлакат Про-лигаси 10-туридан ўрин олган «Хаур-Факкан» - «Шаржа» ўйинида меҳмонлар 3:1 ҳисобида устун келишди. Жамоанинг бу ғалабасига ҳамюртимиз Отабек Шукуров муносиб ҳисса қўшди. Майдонда тўлиқ вақт тиним билмаган ярим ҳимоя 90-дақиқада «Шаржа»нинг учинчи голини ўз ҳисобига ёздириб қўйди. «Шабаб Ал-Аҳли» ярим ҳимоячиси Азиз Ғаниев эса «Ал-Наср»га қарши кечган сафар ўйини (1:1)да майдонга тушгани йўқ.
Қозоғистон. «Тобол» мамлакат кубоги ярим финали жавоб учрашувида ҳам мағлубиятга учраб, курашдан четга чиқди. Биринчи ўйинда 2:5 ҳисобида енгилган Костанай клуби бу сафар «Шахтёр»дан 2та жавобсиз гол қабул қилди. Жамоа сафида тўп сураётган Игорь Сергеев ушбу баҳсда тўлиқ 90 дақиқа ҳаракатланди.
Италия. Элдор Шомуродов учун собиқ клуби - «Женоа»га қарши ўйин самарасиз якунланди. Лекин «Рома» Генуядан 2:0 ҳисобидаги ғалаба билан қайтди. «Бўрилар»га ижобий натижа келтирган 2та гол ҳам 74-дақиқада айнан ҳамюртимиз ўрнига майдонга тушган Феликс Гьян ҳисобига ёзилди. Дарвоқе, Corriere dello Sport нашри хабарига қараганда, «Рома» футболчилари Конференциялар Лигаси гуруҳ босқичи 5-туридан ўрин олган «Заря»га қарши ўйинда аёлларга нисбатан зўравонликка қарши кураш ҳаракати логотипи туширилган формада майдонга тушишади. Учрашувдан кейин эса футболкалар аукционга қўйилади ва савдодан тушган маблағ Roma Cares хайрия жамғармаси ҳисобига ўтказиб берилади. Чипталар сотувидан тушган пулнинг ярми ҳам хайрия қилинади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20