Испаниянинг Marca нашри мамлакат миллий чемпионатининг ўтган мавсумидаги энг яхшилар номини эълон қилди.
«Атлетико» ҳужумчиси Луис Суарес Ла Лигада тенгсиз футболчи деб топилди ва унга «Альфредо ди Стефано соврини» топширилди. Уругвайлик футболчи ўтган мавсум жамоасининг чемпион бўлишига катта ҳисса қўшди. Суареснинг ўзи Ла Лига доирасида 21та гол ва 3та ассист муаллифига айланди. Луис Суарес 2020 йилнинг ёзида «Барселона»дан «Атлетико»га ўтганди.
Энг яхши мураббий соврини «матрасчилар» устози Диего Симеонега насиб этди. Мадридликлар ўтган мавсум 2014 йилдан буён илк марта Ла Лигада ғолиб чиқишди. Шунингдек, жамоа Европа Чемпионлар Лигасида нимчорак финал босқичигача етиб борди.
«Барселона»нинг собиқ футболчиси, ҳозирда «ПСЖ»да ўйнаётган Лионель Месси эса Ла Лиганинг энг яхши тўпурарига тақдим этилган «Пичичи» совринини қўлга киритди. Ўтган мавсум аргентиналик футболчи Каталония клуби сафида 33та ўйинда майдонга тушиб, 30та гол уришга муваффақ бўлганди. У мазкур совринни 8-марта ўзиники қилди. «Ла Лига тарихига кириш катта шараф. Аввалига Сара(1940-1950 йилларнинг афсонавий ҳужумчиси, Ла Лига тўпурарлари орасида энг кўп соврин қўлга киритиш бўйича рекорд ўрнатган, «Атлетик») билан тенглашиш имконсиздек туюларди, лекин ундан ўзиб кетдим. Хурсандман ва бундан фахрланаман. Кимдир мени ортда қолдира оладими, билмайман», - дейди Месси.
Яна бир «Атлетико» вакили, жамоанинг словениялик дарвозабони Ян Облак эса ўзининг бешинчи «Замора»сини қўлга киритди. Бу борада у Виктор Вальдес ва Антонии Рамалльеларга етиб олди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20