Италия «А» серияси-2021/2022нинг яққол аутсайдери «Салернитана» 21 декабрь оқшоми Удинеда «Удинезе»га қарши ўйнаши керак эди. Меҳмон жамоа мухлислари анъанага кўра, суюклиларини бевосита қўллаб-қувватлаш мақсадида сафарга чиқишди ва «Фриули» ёхуд «Дачия Арена» стадионида ўзларига ажратилган трибунага жойлашишди. Бироқ жамоа ўйинга келгани йўқ...
Ажабо, Италияда, яна элит дивизионда жамоа ўйинга етиб келолмаса-я. Боз устига, унинг мухлислари нима бўлганидан бехабар сафарга чиқишса... Гап шундаки, «Салернитана» вакиллари қоидага мувофиқ, Удинега йўл олишдан олдин коронавирусга тест топширишди ва жамоанинг бир қатор футболчилари таҳлили ижобий натижа кўрсатди. Оқибатда маҳаллий соғлиқни сақлаш бошқармаси жамоанинг Салернодан чиқишига тақиқ қўйди. Охир-оқибат, «А» серия раҳбарияти рухсати билан 19-тур доирасидаги учрашув қолдирилди, аммо «Салернитана» мухлислар бундан бехабар қолишди.
Энг қизиғи, Удинеда меҳмон жамоа тарафкашларини «Фриули» стадионига киритишди. Эҳтимолки, «Удинезе» раҳбарияти узоқ йўл босган фанатларга озгина кўнгилхушлик қилиш имкониятини яратишни хоҳлагандир. Хуллас, аламзада фанатлар трибунага кўтарилиб, қўшиқ куйлашди, ўзларини худди жамоани олға бошлаётгандек тутишди. Чунончи, «Салернитана» мухлислари Удинегача анча йўл босиб ўтишганди (албатта, Европа кўлами бўйича). Ҳар ҳолда, Салерно ва Удине ўртасидаги масофа поездда тахминан 10 соат, автобусда эса 14 соатлик йўлдир.
«Салернитана» мухлислари энди ушбу ўйинсиз сафарлари «А» серия доирасидаги охиргиси эмаслигидан умидворлар. Гап шундаки, жамоани турнирдан четлаштиришлари мумкин. Зеро, унинг соҳиби Клаудио Лотито «А» серияда яна бир клуб («Лацио»)га эга. Регламент бўйича эса, бир киши лигадаги икки жамоага эгалик қилмаслиги керак. Хуллас, Лотито «Салернитана»ни зудлик билан сотиши керак, аммо у ҳамон жим...
М.ПЎЛАТОВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20