ОКМК клуби янги мавсум олдидан селекция ишларини давом эттирмоқда.  Клуб расмий «Telegram» саҳифаси украиналик ҳимоячи Андрей Мишенко олмалиқликлар таркибига келиб қўшилганини маълум қилди. 30 ёшли футболчи ўтган мавсумни Тожикистоннинг «Истиқлол» клубида ўтказиб, ОЧЛ плей-оффида иштирок этишга муваффақ бўлганди. 

Маълумот учун, Мишенко фаолиятини Украинанинг «Горник Спорт» клубида бошлаган. «Сталь», «Севастополь», «Олимпик» (Донецк), «Черноморец», Исроилнинг «Маккаби» ва «Хапоэль», Россиянинг СКА (Хабаровск) ҳамда Қозоғистоннинг «Окжетпес» жамоаларида ўйнаган.
***

«Пахтакор» жамоаси ҳимоячиси Анзур Исмоилов 2022 йилги мавсумни ОКМК клубида ўтказади.

«15 йил давомида Ўзбекистон миллий жамоасида узлуксиз ўйнаган, 7 мавсум легионер сифатида Хитой Суперлигаси вакили «Чанчунь Ятай» жамоаси шарафини ҳимоя қилган, «Трактор», «Динамо» клубларида фаолият юритган, «Пахтакор», «Бунёдкор» ва «Локомотив» жамоалари билан Ўзбекистон чемпиони ва Ўзбекистон кубогида кўп карра ғолиб чиққан тажрибали ҳимоячи, 2022 йилдан эътиборан эркин агентга айланган Анзур Исмоилов ОКМК футбол клуби билан 1 йиллик шартнома имзолади», - дейилади Олмалиқ клуби матбуот хизмати хабарида.