Халқаро футболнинг бош ташкилоти 2020 йилнинг июнь ойида COVID-19 келтирган иқтисодий зарарни қоплаш учун 1,5 млрд. доллар ажратиб, маблағни ўз қарамоғидаги миллий ассоциацияларга тегишли тартибда тарқатиш бўйича қарор чиқарганди. Шу тариқа ФИФАга аъзо 211та миллий ассоциациянинг ҳар бирига 1 млн. доллардан берилди. Бундан ташқари, аёллар футболини ривожлантириш учун қўшимча 500 минг доллардан ажратилди. Хўш, пандемия туфайли юзага келган оғир молиявий шароитда бу моддий кўмакдан қандай фойдаланилди? Айтиш жоиз, Фаластин футболида амалга оширилган ишлар таҳсинга сазовор.
Саломатлик - ҳаммасидан муҳимроқ! Фаластин ҳукумати айни шу шиорга амал қилган ҳолда, ФИФА томонидан ажратилган хайрия маблағини мамлакатдаги 80та профессионал ва ҳаваскор клубга пандемия оқибатида юзага келган муаммоларни ҳал қилиш учун тақсимлаб берди. Мамлакат футбол ассоциацияси маълумотига кўра, мазкур грант мавсум-2020|2021ни вақтида бошлаш ва якунлашда роса асқотди. Клублар олинган маблағни COVID-19 тест-текширувлари ва шунга боғлиқ тиббий муолажаларга сарфлади, яна футболчилар маоши ва транспорт харажатини таъминлашга йўналтирди. Қисқаси, ҳомийлик тўловлари кескин камайган паллада ФИФА кўмаги катта аҳамият касб этди. «COVID-19 туфайли юзага келган мураккаб даврда ФИФА инсонпарварлик ташаббуси билан чиқдики, бундан беҳад миннатдормиз. Ажратилган грант клубларимизга асосий харажатни қоплаш, айниқса, футболчи ва мураббийларга вақтида маош тўлаш, зарур спорт жиҳозлари харид қилиш имконини берди. Чунончи, Фаластинда ҳомийлар ажратаётган пул оқими тўхтаб қолганди» - дейди Фаластин ФА бош котиби Фирос Абу Ҳилол.
Мамлакат футболи мутасаддилари хайрия маблағини провинцияларнинг регионал лигалари аъзолари ўртасида тақсимладилар. Пандемия оқибатида март ойида тўхтаб қолган 2019|2020 йиллар мавсуми 3 ойдан кейин ниҳоясига етказилди. 2020 йилнинг октябрь ойи охирида старт олган кейинги мавсум эса белгиланган вақт (2021 йилнинг апрель ойи)да финиш маррасига етди.
Аёллар футболи секторига тўхталсак, бу йўналиш учун ажратилган 500 минг доллар U-17 ва U-20 терма жамоалари учун машғулотлар базаси бунёд этишга йўналтирилди. Шунингдек, 8та жамоа иштирок этадиган «7х7» аёллар лигасини қайта тиклаш учун ҳам маблағ ажратилди. 10та аёллар жамоасини ўз ичига олган асосий лига ҳам ёрдамдан бебаҳра қолмади. Маблағнинг қолган қисми 14 ёшгача бўлган футболчилар учун 2та футзал лигаси ташкил этиш, аёл мураббийлар ҳамда маъмурларнинг семинарларига ажратилди.
О.АТАБОЕВ тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20