Комор ороллари терма жамоаси Африка кубогининг 1|8 финалида Камерунга 1:2 ҳисобида ютқазди - улар ковид ва эълон қилинган дарвозабонларнинг жароҳатлари туфайли дарвозага майдон ўйинчиси билан чиқишга мажбур бўлишди.
Бу ролга чап қанот ҳимоячиси Шокир ал Ҳадур танланди. У Франциянинг Лига 1ида «Нант» ва «Кан» жамоаларида ўйнаган, сўнгги йилларда Лига 2да фаолият юритаётганди: тўрт мавсум «Шатору»да, 2021 йилдан бери эса «Аяччо»да ўйнамоқда. Хўш, у қандай ўйнаяпти - 2021|22 йилги мавсумда атиги 4 дақиқа!
Ал Ҳадурга ҳатто номинал форма ҳам берилди (иккинчи комплектдан олинди). Аммо бир ньюанc бор: 3 рақами 16-рақамнинг устига ёпиштирилди. Олд томонида эса «16» қолдирилди, фақат ямоқлар билан беркитилди. Ҳа, фамилияси тўғри ёзилган, лекин рақам тиббий пластир билан ёпиштирилганди. Нега бундай либос? Рақамчи? Гап шундаки, бу Комор ороллари термасининг бошқа тўпламдаги дарвозабон либосидир. 1Ғ8 финалда жамоа оқ либосда ўйнади, аммо дарвозабон тўпламдаги яшил либосга эга бўлиши керак эди. Бироқ бундай йўл тутиш мумкин эмасди, чунки яшил Камерун либосининг асосий рангларидан бири. Шу боис, ал Ҳадур иккинчи дарвозабон либосида майдонга тушди. Бу либосда масалан, дарвозабон Али Аҳамада Габонга қарши биринчи ўйинда майдонга тушганди. 16-рақам қайдномада 3-дарвозабон Мояд Уссенийга тегишли, у ҳеч қачон майдонга тушмаган. 3-рақам эса айнан ал Ҳадурга тегишли.
Эҳтимол, улар фамилияни ўзгартириш билан чекланишга қарор қилишган ва фақат кейинроқ рақамни ҳам ўзгартириш кераклигини билишгандир (футболда рақам фамилиядан муҳимроқдир - биринчи навбатда ҳакам учун). Кетма-кетлик бироз ғалати, аммо Африка кубогини бундай вазиятларсиз тасаввур қилиш қийин.
Ўйинга эътибор берадиган бўлсак, 7-дақиқага келиб Комор ороллари сардори жиддий қўполлик қилгани учун қизил карточка олди. Четлатиш ҳақли эди, бунга эътироз йўқ. Лекин шу дақиқадан бошлаб 10 нафар футболчи билан тўп сурган коморликлар юлдузли таркибга эга мезбонларга муносиб қаршилик қила олишганини ўйин статистикаси кўрсатиб турибди. Якуний ҳисоб - 1:2. Камерун чорак финалда. Коморликларга, айниқса, Шокирга муносиб иштирок учун раҳмат деб қоламиз.
МУҲАММАДХОН тайёрлади
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20