«Аякс» клуби Нидерландия кубогида учинчи дивизион иштирокчиси - камтарин «Эксельсиор»ни сира аягани йўқ. Ҳар ҳолда, 9:0 ҳисоби амстердамликлар раҳм-шафқатни бир четга суриб қўйишганидан далолат. Ўйин ўта йирик ҳисобдан ташқари, яна бир гўзал воқеа билан эсда қоладиган бўлди. Лоақал 20 ёшли Девин Планк учун.
«Эксельсиор» мураббийлар штаби ўйиннинг 89-дақиқасида 20 ёшли ҳужумчи Девин Планкни захирада майдонга туширди. Шунда ҳар икки жамоа футболчилари дарҳол махсус йўлакча ҳосил қилиб, йигитчани муносиб тарзда қарши олишди. Хўш, бундай илиқ қабулнинг боиси нима? Гап шундаки, Планк саратонга қарши кечган 9 ойлик тинимсиз курашдан сўнг яқинда хасталикни енгиб ўтди. Муҳими, «Аякс» футболчилари ўйиндан кейин ҳам Девинга яқинлашиб, уни қизғин қўллаб-қувватлашди. «Юз берган воқеани ақлга сиғдиришим қийин. Тўғриси, ҳозир миямда қандайдир чалкашликлар бор - нималар бўлганини англолмаяпман. Жуда хурсандман, албатта», - дея кўз ёшларини тиёлмади Девин.
Ҳа, Планк катта футболга қайтди ва энди тўхташ ҳақида ўйламаяпти. 2021 йил унинг учун ҳақиқий синов вақтига айланган эди. Аниқроқ айтсак, ўтган йилнинг март ойи бошида Девин ўйиндан сўнг бирданига ўзини нохуш сезди. Тўғри, йигитча бунга алоҳида эътибор бергани йўқ. Лекин вақт ўтиши билан оёғининг пастки қисмида оғриқ кучайиб борди. Планк аввалига оёғи сингани ҳақида ўйлади ва рентгенга тушди. Бироқ шифокорлар синиш аломатини топмадилар. Бунинг ўрнига хавфли ўсимта кўринди. «Чуқур «шок»да эдим,- дея эслайди футболчи ўша кунни. - Яхшики, оилам мени бунданда кўпроқ ҳайратда қолдирди. Қисқаси, барчамиз биргалашиб, хасталик олдида таслим бўлмасликка қарор қилдик. Ўша вақтдаёқ яна майдонга тушишни ягона орзу сифатида белгилаб олгандим».
Йигитча дарҳол даволаш курсларини бошлади: химиотерапия муолажалари Планк анча куч йўқотди. «Эк-cельсиор» клуби бу вақтда футболчини ёлғизлатиб қўймади, уни моддий томондан қўллаб турди. Даволаниш режа асосида давом этди ва декабрь ойида 20 ёшга тўлган Девин тез орада ҳаваскорлар лигасида ўйнай бошлади. Жорий йилга келиб, «Экcельсиор» мураббийлари Планк тўлиқ тайёр эканлигини тушунишди ва «Аякс»га қарши ўйинда хасталикни енгган бардошли йигитга бир неча дақиқа имконият беришди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20