ФИФА терма жамоаларнинг янги рейтингини эълон қилди. Унда Ўзбекистон миллий жамоаси 61-ўринни эгаллаб турибди - 568 очко. Яъни аввалги кўрсаткичга нисбатан 1 поғона юқорилади. ОФК миқёсидаги рейтингни олсак, жамоамиз ҳамон 6-ўринда. Осиёда пеш­қадамликни сақлаб қолган Эрон термаси умумий рейтингнинг 29-қаторидан жой олди. Форслар ҳисобида 816 очко бор. Жанубий Корея миллий жамоаси 699 очкога эга ва қитъада 2-поғона, жаҳон рейтингида эса 37-ўринни банд этди. Авс­тралия термаси (649 очко) 3 поғонага юқорилаб, дунёда 44-ўрин, ОФК миқёсида 3-поғонани эгаллади. Япония (умумий рўйхатда - 46-ўрин) ва Саудия Арабистони (48-ўрин) термалари мос равишда ОФКнинг 4-5-жамоалари бўлиб туришибди. ЖЧ-2018 саралашидаги бош­қа гуруҳдошларимизга тўхталсак, Хитой ва Қатар термалари аввалги ойдагига нисбатан тегишлича 1 ва 2 поғона юқорилашди. Сурияликлар эса ўз жойларида қолишди:

Хитой — 81-ўрин (424 очко);

Қатар — 85-ўрин (416 очко);

Сурия — 96-ўрин (355 очко)

ФИФА рейтингида ҳамон Аргентина термаси (1634 очко) етакчилик қилмоқда. 2-ўрин Бразилия жамоаси (1544 очко)га тегишли бўлса, унинг ортидан Германия термаси (1433 очко) жой олди.