«Ливерпуль» жамоаси бош мураббийи Юрген Клопп АПЛнинг 23-турида «Челси»га қарши кечган ва 1:1 ҳисобидаги дуранг қайд этилган учрашувдан сўнг ўз шогирдларидан мамнунлигини айтиб ўтди.

«Ҳиссиётларимни ифодалашда "қувонч" сўзини ишлатиш тўғри бўлмайди. Аммо ўз шогирдларимдан мамнунман, улар жуда кучли жамоага қарши ажойиб футбол кўрсатишди. Натижани ўзгартириб бўлмайди. Биз мағлубиятга учрашимиз ҳам мумкин эди, ахир «Челси» пенальти тепди.

Иккинчи бўлимда рақибга кўп муаммолар яратдик, иккинчи, учинчи голни ҳам уришимиз мумкин эди. Ўйин ва унинг атрофидаги муҳитдан қониқдим», дея Клоппнинг сўзларини келтирган ВВС Sport.

***************************************************************************************************

«Ўйлайманки, биз ўйин охирида ғалабага эришишимиз мумкин бўлганди. Ўйин жуда қийин ўтди, ҳар икки жамоа жадал ўйнашга ҳаракат қилди. Мен қониқдим. Бугунги ўйин «Ливерпуль»га ўз ўйимизда ютқазган ўйиндан фарқ қилди.

Диего Костанинг пенальтидан фойдалана олмагани афсусланарли бўлди, ахир у жуда яхши ўйнаган эди. Бизда гол уриш учун яна вазиятлар бўлди, аммо биз натижадан мамнун бўлишимиз керак, чунки, «Ливерпуль» билан сафарда ўйнаш қийин.

Рақиблардан илгарилаб кетганимиз ҳақидами? Биз фақат ўз ўрнимиз ҳақида ўйлаяпмиз. Бошқаларга қарамаяпмиз. Жамоа турнир жадвалини бошқармоқда, бу жуда зўр натижа.

Олдинда ҳали 15 ўйин бор, бу 45 очко имконияти дегани. Бугун биз кучли рақибга қарши ўйинда муҳим дурангга эришдик. Энди «Арсенал» билан ўйинга тайёрланишимиз керак», дея Контенинг сўзларини келтирган ВВС Sport.