Австралия чемпионатида қизиқ воқеа содир бўлди, гап шундаки, «Мельбурн Сити» футболчиси Тим Кэйхиллга захирадан майдонга тушишга тайёрланаётган пайтида қизил карточка кўрсатилди.

Тимнинг сўзларига кўра, ҳакам яққаол офсайд киритилган голни ҳисоб қилган ва бу ҳолатга чидаб тура олмаган Кэйхилл аввал захира ҳаками ёнига бориб унга эътироз билдирган бундан кейин бош ҳакам бу ҳолатни кўриб дарҳол воқеа содир бўлаётган жойга тезлик билан етиб келган. Бош ҳакамга таблодаги видеотакрорни кўришни қўли билан кўрсатган Тим Кэйхилл шу пайтда захирадан майдонга тушишга тайёргарлик кўраётганди, лекин Кэйхилнинг майдонга тушиши амалга ошмади. Чунки, футболчининг эътирозига қаршилиқ қилган ҳакам унга дарҳол қизил карточка кўрсатиб, майдондан четлатди.

Кейинчалик, Австралия терма жамоаси собиқ футболчисининг жамоадош Марк Боснич Fox News нашрига берган интервьюсида Кэйхилл бош ҳакамни «зарарли чўчқа» дегани учун майдонга четлатилган бўлиши мумкинлигини айтди.

Ушбу ҳолатни видео сифатида кўриш учун бу ерга босинг

Манба: www.interfutbol.uz

InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.