Луис Энрике ўз ваъдасига мувофиқ, кейинги режаларини эълон қилди - у мавсум якунида «Барселона» билан хайрлашади. Энрикенинг якуний тўхтами Каталония клубининг бўлажак бош мураббийи масаласига боғлиқ муҳокамаларни янги даражага олиб чиқди. Ҳозирда ҳар бир обрўли нашр ўз талқинидаги номзод мутахассислар имкониятларини обдон чамалашга уринмоқда. Дейлик, William Hill букмекерлик идораси «пойга»нинг бош фаворити сифатида «Атлетик» устози Эрнесто Вальвердени кўрсатмоқда. Айтиш жоиз, у ўтган асрнинг 80-йиллари охирида «Барселона» сафида тўп сурган. Умуман, William Hill мутахассислари ҳозирда 7 нафар номзодга урғу беришяпти.

1-номзод: Эрнесто Вальверде («Атлетик»)

Ютуқлари: Испания суперкубоги («Атлетик») - 2015; Греция чемпиони («Олимпиакос») -  2009, 2011, 2012; Греция кубоги («Олимпиакос») - 2009, 2012

2-номзод: Хорхе Сампаоли («Севилья»)

Ютуқлари: Чили чемпиони («Универсидад де Чили») - 2011 (апертура, клаусура), 2012 (апертура); Судамерикана кубоги («Универсидад де Чили») - 2011; Америка кубоги (Чили термаси) - 2015

3-номзод. Роналд Куман («Эвертон»)

Ютуқлари: Голландия чемпиони («Аякс», ПСВ) - 2002, 2004, 2007; Голландия кубоги («Аякс») - 2002; Голландия суперкубоги («Аякс», АЗ) - 2002, 2009; Португалия суперкубоги («Бенфика») - 2005; Испания кубоги («Валенсия») - 2008

4-номзод. Арсен Венгер

(«Арсенал»)

Ютуқлари: Франция чемпиони («Монако») - 1988; Франция кубоги («Монако») - 1991; Япония кубоги («Нагоя Грампус») - 1995; Япония суперкубоги («Нагоя Грампус») - 1996; Англия чемпиони («Арсенал») - 1998, 2002, 2004; Англия кубоги («Арсенал») - 1998, 2002, 2003, 2005, 2014, 2015; Англия суперкубоги («Арсенал») - 1998, 1999, 2002, 2004, 2014, 2015

5-номзод. Лоран Блан (клубсиз)

Ютуқлари: Франция чемпиони («Бордо», «ПСЖ») - 2009, 2014, 2015, 2016; Франция кубоги («ПСЖ») - 2015, 2016; Франция Лига кубоги («Бордо», «ПСЖ») - 2009, 2014, 2015, 2016; Франция суперкубоги («Бордо», «ПСЖ») - 2008, 2009, 2013, 2014, 2015

6-номзод. Маурисио Почеттино («Тоттенхэм»)

Ютуқлари: -

7-номзод. Франк де Бур (клубсиз)

Ютуқлари: Голландия чемпиони («Аякс») - 2011, 2012, 2013, 2014; Голландия суперкубоги («Аякс») - 2013

Шунингдек, номзодлар рўйхатида Хосеп Гвардиола, Юрген Клопп, Пако Хемес, Хави Эрнандес, Карлес Пуйоль ва Луис Энрикенинг ҳозирги ассистенти -  Хуан Карлос Унсуэ кабилар ҳам бор.

А. АҲМЕДОВ тайёрлади