Бундеслигага ўзгача файз олиб кирган «РБ Лейпциг» бу сафар «Фрайбург» дарвозасини 4 марта ишғол қилди. Параллел ўйинда эса «Герта» вакиллари  «Майнц» тўсиғидан ўта олишмади. Натижада «РБ Лейпциг» финиш маррасига 5та тур қолганида, берлинликлардан 18 очко ўзиб кетди ва кучли тўртликдаги жойни нақд қилди. Демакки, «қизил буқалар» янги мавсумда камида ЧЛ саралаш босиқичида иштирок этишади. Эслатиш ўринли, лейпцигликлар бундеслигага ўтган йили чиқишганди. Мана, жамоа ўз тарихида илк маротаба ЧЛга йўл олишни ҳам пайсалга солмади.

Пешқадам - «Бавария»га келсак, ЧЛнинг охирги ўйинида омадсизликка юз тутган жамоа «Байер» меҳмони бўлиб, на гол урди ва на қўйиб юборди - 0:0. Карло Анчелотти шогирдларини олдинда «Реал»га қарши кечадиган жавоб ўйини кутаётганини инобатга олсак, Мадрид сафари арафасидаги «репетиция» яхши чиқмади.

15 апрель

АУГСБУРГ - КЁЛЬН - 2:1 (2:0)

Аугсбург. 30660 томошабин.

Голлар: Хинтереггер (5), Верхаг (23-пен.) - Макс (65-авт.).

Четлатишлар: Ку Жа Чол (89), Финнбогасон (90}2, А.).

БОРУССИЯ Д. - АЙНТРАХТ - 2:1 (2:1)

Дортмунд. 81360 томошабин.

Голлар: Ройс (3), Папастатопулос (34), Обамеянг (86) - Фабиан (29).

Боруссия Д.: Бюрки, Пишчек, Папастатопулос, Бендер (Гинтер, 46), Шмельцер, Вайгль (Кастро, 77), Шахин, Пулишич, Кагава, Ройс (Дембеле, 46), Обамеянг.

ВОЛЬФСБУРГ -ИНГОЛЬШТАДТ - 3:0 (1:0)

Вольфсбург. 26374 томошабин.

Голлар: Зуттнер (45-авт.), Малли (68), Гомес (80).

МАЙНЦ - ГЕРТА - 1:0 (1:0)

Майнц. 30579 томошабин.

Гол: Брукс (45-авт.).

РБ ЛЕЙПЦИГ - ФРАЙБУРГ - 4:0 (2:0)

Лейпциг. 41446 томошабин.

Голлар: Поульсен (36), Вернер (42), Кейта (51), Демме (90).

РБ Лейпциг: Гулачи, Бернардо, Упамекано, Комппер, Хальстенберг, Кейта (Ильзанкер, 56), Демме, Забитцер (Кайзер, 70), Форсберг, Вернер, Поульсен (Берк, 78).

ХОФФЕНХАЙМ - БОРУССИЯ М. - 5:3 (2:2)

Зинсхайм. 30150 томошабин.

Голлар: Салаи (9, 24), Демирбай (58, 89), Ут (75) - Вестергор (31), Штиндль (35),  Доуд (78).

Хоффенхайм: Бауманн, Зюле, Фогт, Хюбнер (Бичакчич, 85), Руди, Толян, Цубер, Демирбай, Крамарич, Салаи (Амири, 74), Вагнер (Ут, 63).

БАЙЕР - БАВАРИЯ - 0:0

Леверкузен. 30210 томошабин.

Бавария: Нойер, Рафинья, Мартинес (Лам, 72), Алаба, Бернат, Киммих, Видаль, Коман (Хаби Алонсо, 70), Алькантара, Дуглас Коста (Роббен, 60), Мюллер.

Четлатиш: Едвай (59, Бай.).

16 апрель

ВЕРДЕР - ГАМБУРГ - 2:1 (1:1)

Бремен. 42100 томошабин.

Голлар: Крузе (41), Кайнц (75) - Грегориц (6).

ДАРМШТАДТ - ШАЛЬКЕ - 2:1 (1:0)

Дармштадт. 17400 томошабин.

Голлар: Вранчич (11), Гондорф (90+3) - Коке (75).

Амалга оширилмаган пенальти: Бургшталлер (57, Ш.).

Четлатиш: Керер (81, Ш.).

Тўпурарлар:

Левандовски (Бавария) - 26та

Обамеянг (Боруссия Д.) - 26та

Модест (Кёльн) - 23та...

Келгуси ўйинлар:

21 апрель (жума)

23:30       Кёльн - Хоффенхайм

22 апрель (шанба)

18:30       Айнтрахт - Аугсбург

18:30       Бавария - Майнц

18:30       Гамбург - Дармштадт

18:30       Герта - Вольфсбург

18:30       Ингольштадт - Вердер

21:30       Боруссия М. - Боруссия Д.

23 апрель (якшанба)

18:30       Фрайбург - Байер

20:30       Шальке - РБ Лейпциг

Ўйиндан кейинги фикрлар:

Карло Анчелотти («Бавария» бош мураббийи): - Жамоам яхши ўйнади. Йигитлар фаол ҳаракатланиб, бир қатор вазиятларни юзага келтиришди. Лекин футбол қонунияти шуки, баъзида дарвозани нишонга олишнинг иложи топилмайди. Аслида ғалабага ҳақли эдик. Аммо «Байер»нинг ажойиб ўйнаганини ҳам таъкидлашим керак. Шундай экан, дурангни ҳаққоний натижа сифатида қабул қилиш мумкин.

Тайфун Коркут («Байер» бош мураббийи): - Ўйин биз учун қийин кечиши ва тўпсиз кўп югуришимизга тўғри келиши олдиндан маълум эди. Жамоам учун хурсандман. Ўйинни бир киши кам бўлиб тугатганимизни инобатга олсак, натижадан қониқишим шарт. «Бавария»дан енгилмаслик ўз кучимизга нисбатан ишончни ошириш учун муҳим эди.

Томас Тухель («Боруссия» Д. бош мураббийи): - Шогирдларим кучли характерларини кўрсатишди. Улар чоршанба куни ҳам худди шундай қилишганди. Демак, футболчилар ҳурматга лойиқлар. Менга жамоада руҳий холатни тиклаш учун 2-3 кун кетишини айтишганди. Аммо йигитлар қийин ҳолатдан осонгина чиқиб кетишлари мумкин. Бунинг учун майдонда ўзларини кўрсатишса, бас. Шунингдек, бугун мухлислар билан ўзига хос яқинликни сездим.