Қадрли футбол ишқибозлари «ИнтерФУТБОЛ» газетасининг сешанба сонида бир-биридан қизиқарли мақолаларни мутолаа қилишингиз мумкин. Эсклюзив материаллар, таҳлил ва суҳбатлар  ҳам сизни бефарқ қолдирмайди деган умиддамиз.

Демак, газетамизнинг 31-сонида нималарни ўқиш мумкин?

- Моҳияти юзаки интрига

Бугун ва эртага еврофутбол олами яна қалқиб туради. Хабарингиз бор, албатта, «Барселона» Туриндаги учрашувда мухлислари асабини такрор  синовдан ўтказди, «Ноу Камп»­да эса қўпол ҳазил уюштирди. Ҳа, «Реал Сосьедад»нинг чинакам «камбэк»ка эришиб, шов-шув кўтаришига сал қолди…

- Одатийлик нишонаси

Олий лига 6-тури одатдагидек ўтди, ҳисоб. Мусобақа жадвали пешқадами яна ўзгарди, дуранглар кузатилди ва ...«Пахтакор» яна мағлубиятга учради. Боз устига, такрор йирик ҳисобда ва яна Қашқадарё томонда. Дейлик, 2 йилча олдин «шерлар»нинг воҳа сафаридан кетма-кет икки бора 0:3 кўринишидаги омадсизлик билан қайтишлари ақлга сиғармиди?

- Александр Пискарев эътирофи

«Спартак»нинг энг яхши тўпурарларидан бири, мураббийлик фаолиятида собиқ иттифоқ ўсмирлар терма жамоасини бошқариб, 1987 йили жаҳон чемпионатида ғалабани таъминлаган Александр Пискарев яқинда россиялик ҳамкасбларимизга интервью берди. У суҳбат жараёнида ўз жамоасида катта роль бажарган миллий футболимиз афсонаси Миржалол Қосимов ижросидаги ўйинларни ҳам эсга олди, албатта.

- Шохруз Норхонов: «Мақсадим – чемпионат тўпурари бўлиш»

Олий лигада кураш тобора кескин тус олмоқда. Ўтган йил билан таққослаганда, кутилмаган натижалар нисбатан кўпроқ кузатиляпти. «Машъал», «Қўқон-1912» жамоалари кутилмаганда турнир жадвалининг юқори ўринларида боришяпти. Бунга бир томондан етакчи клубларимизнинг очко йўқотишлари ҳам сабаб бўлди. Шундай паллада Тошкентнинг «Обод» жамоаси ҳам ёмон таассурот қолдирмаяпти. Рауф Инилеев шогирдларининг олий лигага анча мослашиб олишгани кўриниб турибди. Биз жамоанинг юлдуз футболчиси, ўтган мавсум 14та гол билан тўпурарлар рўйхатида учинчи бўлган Шоҳруз Норхоновдан «Олмалиқ»қа қарши кечган ўйин олдидан интервью олдик.

- Кеч келган баҳор

Рўзиқул Бердиев бугунги кунда юртимизнинг кўзга кўринган мураббийларидан бири. «Насаф»ни узоқ йиллардан буён бошқариб келаётган мутахассис клуб тарихида ўз ўрнига эга бўлиб улгурди. Бироқ ҳозир мураббий Бердиев эмас, футболчи Бердиев ҳақида гаплашмоқчимиз. Зеро, биз уни, энг аввало, моҳир ярим ҳимоячи сифатида таниганмиз.

- Кутганимиз атиги 1 очкоми-ди?

ОЧЛ 4-ТУР. ФАКТЛАР, РАҚАМЛАР, СТАТИСТИК КЎРСАТКИЧЛАР.

- Сардор РАҲМОНОВ: «Нефтчи» билан айрим масалалар борасида келишолмадик»

«Машъал» жорий мавсумни кўтаринки кайфиятда бошлади. Муборакликлар ортда қолган ўйинларда ўзига хос шов-шув кўтаришди. Хусусан, «Пахтакор»нинг мағлуб этилгани фикримизга исбот бўлиши мумкин. Албатта, мухлисларга шундай футбол маъқул келади. Ку-тилмаган натижаларнинг қайд этилиши стадионга ишқибозларни қайтаради. Биз «Машъ-ал»даги ишончли ўйинлари орқали жамоаси ютуқларига муносиб ҳисса қўшаётган Сардор Раҳмонов билан суҳбатлашиб, ўзимизни қизиқтирган саволларга жавоб олдик.

- GOLDENBOY таъсири

«ТИЛЛА БОЛАЛАР». УЛАР ҲОЗИР ҚАЕРДА?

- Шунчаки, «УЕФАлона»…

ЖОЗЕ МОУРИНЬОнинг 10та «БЕНАЗИР» БАҲОНА-МУНОСАБАТИ.

- «Кичик»да «катта»дек, «катта»да «кўринмас»

Вилфрид Заа - АПЛнинг янги юлдузларидан бири. Мухлисларга тўла «Стэмфорд Бриж»да мафтункор хатти-ҳаракатлар, ажиб тезлик ва нодир дриблинглар, қисқаси, қиёси йўқдек фусункор ўйин намойиш этиб, пешқадам - «Челси»нинг мағрур футболчиларини бош эгишга мажбур қилган «нотаниш» йигит «Кристал Пэлас»да бош ролга чиқмоқчи…

- Йилларга бепарво қараб…

ФУТБОЛ ИЧИДА 20 ЙИЛ - ТАШҚИ ҚИЁФА ЎША-ЎША.

- Дани Алвеш: «Тите фалсафаси термамизни қутқарди»

Бразилия термаси сўнгги йиллардаги энг ёрқин дамларни ўтказмоқда. Дастлаб келгуси йили Россияда бўлиб ўтадиган мундиаль йўлланмасини нақд қилган «селесао» кўп ўтмай жаҳон рейтингида пешқадамга айланиб олди. «Ювентус» клубининг ўнг қанот ҳимоячиси Дани Алвеш - Тите бошчилигидаги жамоанинг энг тажрибали футболчиси ҳисобланади. Таъкидлаш жоизки, у 33 ёшида ҳам бош мураббий ғояларини майдонда намоён этиш чоғида фаоллик кўрсатмоқда. Яқинда Fifa.com сайти Дани Алвеш билан суҳбатлашиб, асосан, терма жамоа билан боғлиқ саволларга жавоб олди.

- Дибала ортидан Мбаппе ва Роналду

Сешанба куни бўлиб ўтган «Ювентус» - «Барселона» ўйини (3:0)да Пауло Дибала «дубль» қайд этиб, бош қаҳрамон бўлганди. Эртасига Килиан Мбаппе («Монако») ва Криштиану Роналду («Реал») ҳам шундай каромат кўрсатишди. Хуллас, 1|4 финал доирасидаги дастлабки ўйинларнинг 3тасида чинакам қаҳрамон кўзга ташланди…

- Александр ГЛЕБ: «Мўъжиза такрорланмайди»

ЧЛ чорак финалининг дастлабки беллашувлари олам-олам таассуротлар уйғотгани айни ҳақиқат. Важолатли «Барселона»нинг яна бир бора мутлақ «тиз чўкиши», аёвсиз «Бавария»нинг бош эгиши, «сенсация»чи «Монако»нинг дадиллиги... Хуллас, кутилмаган натижалар кутилганидан кўп. «СЭ» нашри айни шу ўйинлар юзасидан суҳбатлашиш мақсадида «Барселона»нинг собиқ ярим ҳимоячиси Александр Глебни безовта қилди.

МУХЛИС ШЕЪРИ:футболимиз  мутасаддиларига

Танқидларга бугун қулоқ осар йўқ,

Кўпларида маҳоратдан асар йўқ.

Эскиларга лойиқ ўринбосар йўқ,

Футболимиз нега хароб жаноблар?...

Ҳамиша бирга бўлайлик, азизлар!!!