2016/2017 йилги Европа Чемпионлар Лигаси чорак финалининг жавоб ўйинлари бўлиб ўтадиган ушбу ҳафтада миллий чемпионатларнинг ҳам катта қисми ортда қолмоқда.
Шу аснода Чемпионлар Лигасининг 2017/2018 йилги мавсумида ҳам иштирок этадиган жамоалар номларига ойдинлик киритила бошланди. Янги мавсумда гуруҳ босқичида тўғридан-тўғри 21 та жамоа иштирок этиши маълум. Агар жорий мавсумда Чемпионлар Лигаси ва Европа Лигасида ғолибликни қўлга киритадиган жамоалар ушбу 21 клуб орасида бўлмаса, улар ҳам тўғри гуруҳ босқичидан иштирокини бошлайди.
Айни пайтда Чемпионлар Лигаси чорак финали иштирокчиларидан фақатгина «Лестер» ғолибликни қўлга киритса шундай қўшимча ўрин тақдим этилиши мумкин, Европа Лигасида эса «Андерлехт» ва «Бешиктош»дан бошқа барча жамоалар – «Манчестер Юнайтед», «Аякс», «Шалке 04», «Лион», «Селта» ва «Генк» қўшимча йўлланма учун курашмоқда.
Миллий чемпионатларда тўғри йўлланма берадиган ўринларни эса қуйидаги жамоалар эгаллаб турибди:
Испания: «Реал», «Барселона», «Атлетико»;
Германия: «Бавария», «РБ Лейпциг», «Ҳоффенхайм»;
Англия: «Челси», «Тоттенҳем», «Ливерпул»;
Италия: «Ювентус», «Рома»;
Португалия: «Бенфика», «Порту»;
Франция: «Монако», «ПСЖ»;
Россия: «Спартак»;
Украина: «Шахтёр»;
Белгия: «Андерлехт»;
Нидерландия: «Фееноорд»;
Туркия: «Бешиктош»;
Швейцария: «Базел».
Ҳозирга келиб иккита жамоа Чемпионлар Лигаси йўлланмасини нақд қилиб бўлди ва уларнинг иккаласи ҳам Германия Бундеслигаси вакиллари: «Бавария» ва «РБ Лейпциг». «Манчестер Сити», «Севиля», «Боруссия» (Дортмунд), «Наполи», «Ницца», «Аякс», «Спортинг» цингари жамоалар эса саралаш босқичига йўлланма берувчи ўринларни эгаллаб турибди.
Эслатиб ўтамиз, 2018/2019 йилги мавсумдан УЕФА клублар ўртасидаги мусобақаларида янги саралаш тизимини жорий этади. Унга кўра, УЕФА рейтингида дастлабки тўрт ўринни эгаллаб турган миллий чемпионатларнинг тўрттадан жамоаси Чемпионлар Лигасида тўғридан тўғри гуруҳ босқичида иштирок этади. Ҳозирда бу ўринларни Испания, Германия, Англия ва Италия эгаллаб турибди.
***
Айтганча, 18-19 апрель кунлари Чемпионлар лигаси-2017 чоракфинал жавоб ўйинларини дисквалификация туфайли қуйидаги футболчилар ўтказиб юборади:
Роберт Хут ("Лестер Сити")
Хави Мартинес ("Бавария")
Фабиньо ("Монако")
Агар сариқ карточка олса, ЕЧЛнинг навбатдаги ўйинини ўтказиб юбориш хавфи остида турган футболчилар рўйхати:
"Атлетико": Хосе Хименес.
"Лестер Сити": Уилфред Ндиди, Ислам Слимани, Жейми Варди.
"Бавария": Жером Боатенг, Артуро Видал.
"Реал": Тони Кроос, Лука Модрич, Серхио Рамос.
"Ювентус": Хуан Куадрадо, Сами Хедира, Марио Манжукич.
"Барселона": Неймар, Херард Пике, Иван Ракитич, Луис Суарес.
"Боруссия": Усмон Дембеле, Рафаэл Герреро, Сократис Папастотопулос, Марсел Шмелcер.
"Монако": Жемерсон, Радамел Фалкао, Велере Жермен, Томас Лемар, Жибрил Сидибе.
Манба: muhokama.com
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20