Европа чемпионлар лигасида чорак финал босқичига якунига етиб, ярим финалга чиққан 4та жамоа номи аниқ бўлди. Демак, бизни ушбу мавсумдаги сўнгги қуръа маросими кутиб турибди. 

Ярим финал иштирокчилари:
"Атлетико" (Испания)
"Монако" (Франция)
"Реал" (Испания, амалдаги чемпион)
"Ювентус" (Италия)

Қуръа қачон ва қаерда бўлади?
ЕЧЛ ярим финалига қуръа ташлаш маросими 21 апрель куни УЕФА штаб-квартираси жойлашган Швейцариянинг Ньон шаҳрида бўлиб ўтади. Маросим Тошкент вақти билан 15:00да бошланади.

Қуръа тартиби
Қуръада ҳеч қандай чекловлар ва саватчаларга ажратилишлар бўлмайди. Исталган жамоа ҳар қандай рақиб билан тўқнаш келиши мумкин.

Ярим финал ўйинлари
Ярим финал босқичининг дастлабки ўйинлари 2 ва 3 май, жавоб баҳслари эса 9 ва 10 май кунлари ўтказилади. Қуръа жараёнида номи биринчи тортилган клуб дастлабки ўйинни ўз уйида ўтказади.

Финал ҳақида
Жума куни бўладиган қуръада финал баҳсининг номинал мезбони номига ҳам аниқлик киритилади. 

Финал 3 июнь, шанба куни Кардиффдаги "Миллий" стадионда бўлиб ўтади. Ўйин Тошкент вақти билан 23:45да бошланади.