Англия чемпионатининг 36-туридан ўрин олган «Ливерпуль» – «Саутгемптон» учрашуви ўз ниҳоясига етди. Унда жамоалар муроса йўлини танладилар.

«Энфилд» мезбонлигида ўтган учрашувда икки жамоа ҳам дарвозаларга йўл топа билмадилар. Иккинчи бўлимнинг ярмида ҳакам меҳмонлар дарвозаси томон пенальти белгилади, бироқ Жеймс Милнернинг зарбасини меҳмонлар посбони Фрейзер Форстер қайтиришга эришди.

Эътиборлиси, Милнер 7 йил деган илк бор пенальтини аниқ амалга ошира олмади.

Ҳозирда «Ливерпуль» (70 очко) АПЛ турнир жадвалида учинчи ўринда бормоқда. Агар Манчестер жамоалари ўз захира ўйинларини ижобий ҳал қила олсалар, «Ливерпуль» бешинчи ўринга тушиб кетиши мумкин.

Англия чемпионати

36-тур

Ливерпуль – Саутгемптон 0:0 (0:0, 0:0)

Ливерпуль – Миньоле, Ловрен, Матип, Клайн, Милнер, Джан, Вейналдум (Груйич, 87), Коутиньо, Лейва (Лаллана, 69), Фирмино, Ориги (Старридж, 69).

Саутгемптон – Форстер, Стивенс, Бертран, Соареш, Йосида, Тадич, Уорд-Проуз, Буфаль (Редмонд, 60), Дэвис, Габбьядини (Лонг, 69), Ромеу.

Огоҳлантиришлар: Соареш (65), Уорд-Проуз (65), Ловрен (89), Бертран (90).