«Барселона» - «Вильяреал» учрашувида «дубль» қайд этган Лионель Месси 5та энг кучли лига иштирокчилари орасида мавсум давомида 50та гол маррасидан ўзган биринчи голеадор бўлди. Месси ҳисобидаги 51та гол тақсимоти қуйидагича: Испания чемпионати - 35та, Испания кубоги - 4та, Испания суперкубоги - 1та ва ЧЛ - 11та. Умуман, у фаолияти давомида 5-марта шундай натижага эришди. Яъни 2010|2011 (53та), 2011|2012 (72та), 2012|2013 (60та) ва 2014|2015 (58та) йиллар мавсумида ҳам 50тадан кўп гол урганди. Испанияда бир мавсум давомида 50та гол маррасига етган яна 2 нафар футболчи бор: Луис Суарес (1 марта) ва Криштиану Роналду (6 марта). Месси шунинг баробарида испан футболи тарихида 100та «дубль» қайд этган биринчи футболчига айтланди. 29 ёшли аргентиналик «Камп Ноу»да 56та, сафардаги 44та ўйинда рақиблар дарвозасини 2 марта ишғол қилган. Қолаверса, «Барселона» ҳужум триоси кетма-кет 3-мавсумки, 100тадан ортиқ гол уришга эришяпти. «Вильярреал»га қарши ўйинда Мессидан ташқари, Луис Суарес ва Неймар ҳам ўз ҳисобларига 1тадан гол ёздириб қўйдилар. Натижада трионинг жорий мавсумдаги умумий голлари сони 102тага етди. Ушбу ҳужумчилар учлиги 2014 йили Суарес каталонияликлар сафига қўшилганидан сўнг вужудга келганини биласиз. Хуллас, қойилмақом трио ўтган мавсум 131та, ундан олдингисида эса 122та голдан хирмон ясаганди. Айтганча, Луис Суарес Испания примеросида 95-марта майдонга тушиб, 83-голини нишонлади ва бу борада «Барса»нинг собиқ ҳужумчиси Христо Стоичков (175 учрашувда 83 гол)га етиб олди.

Пешқадам - «Реал»га келсак, мадридликлар сафарда Хамес Родригес ва Альваро Мората қайд этган «дубл»лар эвазига «Гранада»ни 4:0 ҳисобида енгиб, чемпионликка яна бир қадам яқинлашдилар.

«Атлетико» эса «Эйбар»дан 3 очко тортиб олиб, 4-ўриндан пастга тушмайдиган бўлди ва ЧЛ йўлланмасини нақд қилди. Олдинроқ бош мураббийи Диего Симеоне буни мавсумдаги асосий вазифа сифатида кўрсатганди.

5 май

СЕВИЛЬЯ - РЕАЛ СОСЬЕДАД - 1:1 (1:0)

Севилья. 28607 томошабин.

Голлар: Сарабия (41) - Вела (61).

Севилья: Рико, Меркадо, Рами, Лангле, Эскудеро, Н~Зонзи, Насри (Иборра, 81), Сарабия, Васкес (Гансо, 68), Витоло (Йоветич, 81), Бен Йеддер.

Реал Сосьедад: Рульи, Одриосола, Навас, Мартинес, Берчиче, Ильярраменди, Сурутуса, Ойарсабаль (Каналес, 61), Прието, Хуанми (Гранеро, 89), Вела (Субельдия, 81).

Четлатиш: Сурутуса (79, Р.).

6 май

СПОРТИНГ - ЛАС-ПАЛЬМАС - 1:0 (0:0)

Хихон. 21758 томошабин.

Гол: Кармона (67).

АТЛЕТИКО - ЭЙБАР - 1:0 (0:0)

Мадрид. 46748 томошабин.

Гол: Сауль (69).

Атлетико: Облак, Парти, Годин, Люка Эрнандес, Филипе Луис, Габи, Феррейра Карраско (Тьягу, 80), Коке, Сауль, Гайтан (Торрес, 46), Гризманн (Корреа, 86).

Четлатиш: Годин (90+2, А.).

БАРСЕЛОНА - ВИЛЬЯРРЕАЛ - 4:1 (2:1)

Барселона. 90463 томошабин.

Голлар: Неймар (21), Месси (45, 82-пен.), Суарес (69) - Бакамбу (32).

Барселона: тер Штеген, Сержи Роберто (Маскерано, 78), Пике, Юмтити, Динь (Альба, 75), Ракитич (Андре Гомеш, 83), Бускетс, Иньеста, Месси, Суарес, Неймар.

Вильярреал: Фернандес, Марио Гаспар, Мусаккьо, Альваро Гонсалес, Коста, Дос Сантос, Тригерос, Родри Эрнандес, Сориано (Кастильехо, 72), Бакамбу (Адриан, 83), Сольдадо (Сансоне, 72).

ГРАНАДА - РЕАЛ - 0:4 (0:4)

Гранада. 19094 томошабин.

Голлар: Хамес Родригес (3, 11), Мората (30, 35).

Реал: Касилья, Данило, Начо, Рамос, Коэнтрау, Каземиро (Иско, 69), Ковачич, Васкес (Диас, 77), Хамес Родригес, Асенсио (Бензема, 59), Мората.

7 май

Алавес - Атлетик - 1:0 (0:0)

Витория-Гастейс. 19127 томошабин.

Гол: Тео Эрнандес (53).

Алавес: Пачеко, Фемения, Эли, Феддаль, Тео Эрнандес, Маркос Льоренте, Ману Гарсия, Мендес (Руано, 85), Камараса (Собрино, 67), Ибаи Гомес (Токеро, 74), Дейверсон.

Атлетик: Аррисабалага, де Маркос, Йерай Альварес, Ляпорт, Баленсиага (Иньиго Лекуэ, 66), Беньят (Микель Рико, 79), Сан Хосе, Иньяки Уильямс (Сабин Мерино, 85), Рауль Гарсия, Муниаин, Адурис.

Валенсия - Осасуна - 4:1 (2:0)

Валенсия. 24752 томошабин.

Голлар: Гарай (22, 45), Заза (70), Родриго (75) - Олавиде (90}2).

Валенсия: Доменек, Мангаля, Гарай, Гайя (Санти Мина, 78), Жоау Канселу, Солер (Медран, 78), Перес, Нани, Парехо (Родриго, 69), Монтойя, Заза.

Депортиво - Эспаньол - 1:2 (0:2)

Ла-Корунья. 22803 томошабин.

Голлар: Андоне (47) - Баптистао (14), Херард (29).

Малага - Сельта - 3:0 (1:0)

Малага. 20552 томошабин.

Голлар:  Онтиверос (26), Ресио (56-пен.), Сандро Рамирес (90).

Малага: Камени, Эрнандес, Рикка, Торрес, Льоренте, Ресио, Камачо, Форнальс (Чори Кастро, 89), Онтиверос (Кеко, 85), Хони Родригес (Хуан Карлос, 75), Сандро Рамирес.

Сельта: Альварес, Гомес, Кабраль (Ронкалья, 59), Планас, Диоп, Альваро Лемос, Хосабед (Гвидетти, 82), Диас, Бонгонда, Бовю, Хосеп Сенье (Юльсагер, 70).

-------------------------——————————————————-

ЛЕГАНЕС - БЕТИС ўйини бугун бўлиб ўтади.

Тўпурарлар:

Месси (Барселона) - 35та

Суарес (Барселона) - 26та

Роналду (Реал) - 20та...

Келгуси ўйинлар:

13 май (шанба)

19:00       Эспаньол - Валенсия

21:30       Осасуна - Гранада

14 май (якшанба)

19:00       Алавес - Сельта

23:00       Атлетик - Леганес

23:00       Бетис - Атлетико

23:00       Вильярреал - Депортиво

23:00   Лас-Пальмас - Барселона

23:00       Реал - Севилья

23:00       Реал Сосьедад - Малага

23:00       Эйбар - Спортинг

----------------------------

21-тур ўйини. 17 май (чоршанба)

23:55       Сельта – Реал

Ўйиндан кейинги фикрлар:

Луис Энрике («Барселона» бош мураббийи): - Ўйиннинг мураккаб тус олиши кутилганди. Зеро, бизда улкан босим бор ва ўйинга жиддий тайёргарлик кўрдик. Иккинчи бўлимда жамоам шунчаки, ўз даражасини кўрсатиб қўйди. Энг муҳими, имкониятлардан оқилона фойдаланиб, чиройли ғалабага эришдик.

Зайниддин Зидан («Реал» бош мураббийи): - Энди нисбатан хотиржамроқмиз ва чоршанба куни бўладиган ўйин ҳақида бош қотиришимиз мумкин. «Атлетико»га қарши кечадиган ЧЛ ярим финали жавоб баҳси бугунгисидан кўра, анча жиддий синов саналади. Демакки, идеал ўйининимизни кўрсатишимиз талаб этилади. 9 ой давомида жисмоний тайёргарликка катта эътибор қаратдик ва айни вақт бемалол айта оламан: бу борада жуда яхши ҳолатдамиз.