“Уэмбли”да бўлиб ўтадиган Англия Кубогида бугун “Челси” ва “Арсенал” тўқнаш келишади.

Ушбу ўйин ҳар икки жамоа учун муҳим аҳамият касб этади. “Челси”да бу мавсум “олтин дубль” қайд этиш учун имконият бўлса, Арсен Венгер шогирдлари ҳатто топ 4 га ҳам кира олмади, ғалаба мутахассиснинг жамоа билан ҳамкорлигини узайтириш учун баҳона бўла олади.

Англия Кубоги финалида “Челси” “Арсенал” иккинчи марта учрашиши бўлади. 2002 йили “тўпчилар” 2:0 ҳисобида зафар қучишган. Ўша ўйинда Рэй Парлор ва Фредди Юнберг урган голлар Кардиффда соврин учун етарли бўлган.

“Арсенал” ярим ҳимоячиси Алекс Окслейд-Чемберлен жароҳатини тузатиб майдонга қайтган бўлса, Лоран Косьелни ва Габриел Паулиста ҳали ҳаам шифокорлар назорати остида. Киран Гиббс ва Шкордан Мустафи фитнес-тест топшириши лозим. Сўнгги 13 ой деганда Пер Мертезакер майдонга асосий таркибда тушиши мумкин.

“Челси”да таркиб борасида муаммолар йўқ, аммо Конте бир нечта танловларни амалга ошириши лозим булар: Педро ёки Виллиан, Фабрегас ёки Матич. Террининг заҳирада қолиши кутилмоқда.

Таҳминий таркиб:

“Челси”: Куртуа; Кэхил; Луис; Аспиликуетта; Алонсо; Матич; Канте; Мозес; Азар; Виллиан; Коста.

“Арсенал”: Чех; Холдинг; Мустафи; Монреаль; Беллерин; Рэмзи; Жака; Гиббс; Санчес; Озил; Уэлбек.

Учрашув Тошкент вақти билан 21:30да бошланади.