Маrca нашри хабарига кўра, Мадриднинг “Реал” клуби футболчилари 2016/17 йилда қўлга киритилган муваффақиятлар учун ҳар бири 1,5 млн евро миқдорида мукофотга эга бўлишади.  Қайд этиш жоиз, “Реал” Испания Ла лигасида энг яқин таъқибчи “Барселона”ни 3 очкога ортда қолдирди ва чемпион бўлди. Европа Чемпионлар лигаси финалида эса кеча “Ювентус” ортда(4:1) қолдирилди ва “қироллик клуби” кетма-кет иккинчи мавсум ЕЧЛда ғалаба қозонган илк жамоага айланди.

Маълумот учун, ўтган йили ЕЧЛдаги ғолиблик учун жамоа футболчилари 700 минг евродан мукофот пулига эга бўлишган эди. Шунингдек, “Камп Ноу”да қўлга киритилган ғалаба учун 100 минг евро миқдоридаги мукофотга эга бўлишганини қўшимча қилиш жоиз.

***

Мадриднинг “Реал” клуби ҳужумчиси Криштиану Роналду “Ювентус”га қарши кечган Европа Чемпионлар лигаси финалида дубль қайд этди ва жамоасининг ғалабасига улкан хисса қўшди. Шунинг баробарида португалиялик юлдуз 4 та рекорд ўрнатишга муваффақ бўлди.

1. Роналду бугунги голлари билан ҳисоблаганда, ўзининг ЕЧЛ(ЕЧК инобатга олинмаган, тахририят) финалларидаги тўртинчи голини киритди ва бу натижага эришган илк футболчига айланди;

2. Бугунги финал Роналду гол урган учинчи финал бўлди. Бундан олдин у 2008 ва 2014 йиллардаги Чемпионлар лигаси финалларида ҳам ўз исмни таблога ёздириб қўйишга муваффақ бўлган эди. Бу натижага эришган илк футболчи эса Роналду бўлди;

3. Роналду ўз фаолиятида давомида тўртинчи бор клублар миқёсидаги энг нуфузли турнирда ғолиб бўлди ва бу борада, Иньеста, Месси, Пике ва Зеедорфларга тенглашиб олди. Бироқ Роналду бу ишни икки жамоада бажаришга муваффақ бўлди;

4. Роналду бугунги дубли билан тўпурарлар баҳсида Лионель Мессидан битта голга ўзиб кетди ва кетма-кет бешинчи бор Европа Чемпионлар лигасининг энг яхши тўпурари бўлди. Умумий ҳисобда эса мазкур мусобақада 6 бор тўпурарликни қўлга киритганини айтиш жоиз. Бунисига Месси ҳам ҳавас қилса арзийди4

5. Бундан ташқари, Роналду бугун афсонавий Буффоннинг дарвозасини икки бор, умумий ҳисобда эса 7-бор ишғол этишнинг уддасидан чиқди. Шу вақтга қадар Буффон дарвозасини хали ҳеч ким бунча марта ишғол этмаган.