"Пахтакор" - "Насаф" учрашувидан сўнг бўлиб ўтган матбуот анжуманида мезбон жамоа бош мураббийи Жасур Абдураимов ҳам ўйин ҳақидаги фикрлари билан ўртоқлашди.

Ўйин борасида "Насаф"га илиқ сўзларни айтишим мумкин.  Улар замонавий ўйин услубига эга жамоа. "Насаф" мураббийлар штабини алоҳида ажратиб кўрсатишим мумкин. Улар танлаган ўйин услуби чиройли. Биз бугун характер кўрсатдик ва муҳим ғалабага эришдик. Футболчиларимиз бугун майдонда яхши ҳаракат қилишди.

Афсуски, бизда айни пайтда таркиб борасида муаммолар мавжуд. Бизнинг ўйинчилар ҳам терма жамоада, ҳам ўзимизда ўйнаб, руҳий жиҳатдан толиқиб қолишди. Уларга рақобат ҳам кам. Бизнинг ўйинчилар алмаштиришда танловимиз ҳам чегараланган.

Бугун асосий таркибда дебютини қилган Саъдиллаев ўйинга жуда яхши киришиб кетди. Беҳрўз Саъдиллаев ҳақида фақат яхши фикр билдиришим мумкин.

Шота Арвеладзе айни пайтда Тошкентга келган ва деярли ишга киришган. Улар футболчиларимизни кузатишмоқда, жамоа билан яқидан танишмоқда. Менга хорижлик мутахассис келиши ҳақида аввалдан айтишган. Янги мураббий иккинчи даврадан бошлаб жамоани бошқаради. Мен "Пахтакор"даги қисқа фаолиятим давомида яхшигина тажриба ортирдим.