Австралиялик футболчи Ростин Гриффитс Ўзбекистон Олий лигасига кўчиб ўтиш арафасида турибди. Бунда хабар Австралиянинг Daily football show нашрига асосланиб ёзилган. Гриффитс Ўзбекистоннинг айнан қайси клубига ташриф буюраётгани борасида аниқ маълумот берилмаган.

«Перт Глори» клуби шарафини ҳимоя қилаётган футболчи жамоаси билан келишувни бекор қилган. 29 ёшли футболчининг ўрнига «Перт Глори» янги номзод излашни ҳам бошлаб юборган. Ростин Гриффитс 1988 йилнинг 10 март куни Англияда таваллуд топган. Таянч ярим ҳимояда тўп сурадиган футболчи «Блэкберн» тарбияланувчиси ҳисобланади. У 3 йил давомида шу клуб сафида ўйнаган, бироқ Премьер-лигада тўп суриш насиб қилмаган. Кейинроқ «Аккрингтон Стенли», «Аделаида Юнайтед», «Норт Куинсланд Фьюри», «Сентрал Кост Маринерс», «Гуанчжоу Р-Ф», «Рода» каби клублар шарафини ҳимоя қилган.

Футболчи Англияда туғилганига қарамай, айни вақтда Австралия фуқароси ҳисобланади. Демак, ОФК ва ПФЛнинг 3+1 легионер футболчилар лимитида осиёлик сифатида тўп суриши мумкин. Маълумот учун, Тошкентнинг «Пахтакор» клуби 3 хорижлик футболчи билан шартнома тузган. Бироқ улар орасида осиёлик футболчи йўқ