«Челси» клуби ҳужумчиси Альваро Мората янги клубидаги илк таъсуротлари билан ўртоқлашди.

- Сен учун энг қийини нима бўлади?

– Италянча футбол услубига мослашиш, унда тактика ва “жиннилик” кўпроқ ишлатилади. Мен “италянча” жамоанинг ўйин услубига тушиб кетишим керак.

Конте нима хоҳлашини тушунишим керак. У мендан олдинги мураббийлар талаб қилган ишнинг тескарисини сўрайди. Мен ҳар хил позиция ва турли схемаларда тўп сураман.

- 80 млн евро сенга босим ўтказмайдими?

– Тан олиш керак, бу жиддий миқдордаги пул, аммо менда ҳотиржам ўйнаш учун характер етарли.

Ҳозирча мен иккитагина назорат баҳсида қатнашдим. Расмий ўйинда 15 дақиқа ўйнадим холос, пенальтини амалга ошира олмадим, улар эса мени ҳалитдан “ўлдирмоқдалар”. Шундай экан, мени нима кутаётганини биламан.

Бундай пуллар катта трансферларга сарфланади. Аммо бу мени янада олға қадам босишга, кўпроқ меҳнат қилишга ва машғулотларда бир соат кўпроқ шуғулланишга ундайди. Энди мени кузатувчилар сони икки баробар кўпайди ва бундан хабарим бор.

- ЖЧ-2018 – «Реал»дан кетишинга асосий сабабми?

– Ўйлайманки, менинг кетиш вақтим келганди. Бу менинг шахсий қарорим. У спортчилик амбицияларига боғлиқ.