Англия чемпионатининг 1-турини ёпиб берувчи сўнгги “Манчестер Юнайтед” – “Вест Хэм” учрашуви якунига етди.

Учрашув “қизил иблислар”нинг етакчилиги остида ўтиб, йирик 4:0 ҳисобида ғалабага эришишди.

Учрашувнинг 33-дақиқасида Рэшфорднинг ажойиб тўп узатмасидан сўнг Жо Харт билан бирга-бир вазиятга чиқиб борган Лукаку дарвозани ишғол қилган бўлса, иккинчи бўлимнинг 53-дақиқасида "Манчестер Юнайтед"ни яна олдинга олиб чиқди.

Ўйин тўлиқ "МЮ"нинг назорати остида ўтди ва Рэшфорд ўрнига майдонга тушган Антони Марсьял 88-дақиқада тўп киритиб ҳисобни йирик кўринишга келтирган бўлса, Поль Погба ҳам учрашувда ўз номини таблога ёздириб қўйди.

Шу тариқа, Жозе Моуриньо шогирдлари "Вест Хэм"ни ўз майдонида йирик ҳисобда мағлубиятга учратиб, АПЛ турнир жадвалида етакчиликни қўлга олишди.

Манчестер шаҳри, “Олд Траффорд” стадиони.

“Манчестер Юнайтед” – “Вест Хэм” - 4:0 (1:0)

Голлар: Лукаку 33, 53, Марсьяль 88, Погба 90.

“Манчестер Юнайтед”: Де Хеа, Байи, Жонс, Блинд, Валенсия, Мата (Феллаини 76) , Погба, Матич, Мхитарян, Рэшфорд (Марсьяль 80), Лукаку.

 “Вест Хэм”: Харт, Рид, Масуаку (Кресуэлл 81), Сабалета, Огбонна, Нобл (Райс 61), Обианг, Айю, Фернандеш (Сако 60), Арнаутович, Эрнандес.

Огоҳлантиришлар: Байи 43, Сабалета 51, Валенсия 60, Огбонна 66.