Олий лига 18 турининг бугунги баҳслари давом этмоқда.

Бироз олдин якунланган «Обод» ҳамда «Бухоро» учрашуви ўз поёнига етди. Мухлисбоп ва голларга бой тарзда кечган баҳс 2:3 ҳисобида меҳмонлар фойдасига ҳал бўлди.

6 дақиқада Жавоҳир Қаҳрамонов «Бухоро»ни ҳисобда олдинга олиб чиққан бўлса, 45 дақиқада Саламат Қутибоев орадаги фарқни яна биттага оширди.

Иккичи бўлимни «Обод» тезкор гол билан бошлади. Аниқроғи, 48 дақиқада Темур Васильев ҳисобни 1:2 кўринишига келтирди. Бироқ 79 дақиқада Роббим Ҳасанов орадаги фарқни яна иккитага етказди, 1:3.

Учрашувдаги сўнгги гол эса «Обод» футболчиси Темур Толипов томонидан 83 дақиқада киритилди.

Шу тариқа «Бухоро» ўз ҳисобидаги очколари сонини яна учтага кўпайтириб олди.

«Обод»–«Бухоро»-2:3 (0:2)

Ҳакамлар: И. Иброҳимов (Нукус); Д. Сарсенов (Нукус); Б. Канназаров (Нукус); Д. Жалимов (Тошкент вил.).

Назоратчи: А. Клепиков (Тошкент).

Голлар: Темур Васильев (48), Темур Толипов (83) - Жавоҳир Қаҳрамонов (6), Саламат Қутибоев (45), Роббим Ҳасанов (79).

Обод: Шоҳрух Эшбўтаев, Тимур Васильев (Муҳаммад Комилов, 79), Абдурасул Комилов, Алишер Мирзаев (Санжар Тўрақулов, 58), Рустам Аъзамов, Боситхон Раҳимов, Бурхон Усмонов, Тимур Толипов, Достон Абдураҳмонов (Ғулом Ўрунов, 75), Элбек Равшанов, Обид Ҳакимов.

Бухоро: Акмал Турсунбоев, Бобуржон Омонов, Санъат Шихов (Зоҳир Пиримов, 38), Артём Филипосян, Раббим Ҳасанов, Владимир Баенко, Алишер Саматов, Саламат Қутибоев, Иван Нагаев (Азамат Алланиёзов, 84), Алишер Саноев (Нозим Умуров, 59), Жавоҳир Қаҳрамонов.

Комиссар: Ф. Магаметов.