Қайднома

Қидирув

UzReport TV раҳбари Равшанхон Джураев ЎФФ Ижроия Қўмитасининг янги аъзоси!

UzReport TV раҳбари Равшанхон Джураев ЎФФ Ижроия Қўмитасининг янги аъзоси!

  30.10.2017 20:37
  0
  177
UzReport TV раҳбари Равшанхон Джураев ЎФФ Ижроия Қўмитасининг янги аъзоси!

Ўзбекистон Футбол Федерацияси мажлислари залида бугун, 30 октябрь куни ЎФФ Президенти Умид Аҳмаджонов иштирокида навбатдан ташқари йиғилиш бўлиб ўтди. Унда ЎФФ Ижроия Қўмитасининг янги аъзоси тасдиқланди.

Ўзбекистон Футбол Федерациясининг Устави 33-моддаси 7-бандига асосан Ижроия Қўмитасининг вакант бўлиб қолаётган ўрнини тўлдириш учун UzReport ахборот агентлигининг Бош директори Джураев Равшанхон Эргашовичнинг номзоди қўмита аъзолари томонидан маъқулланди.

Джураев Равшанхон Эргашович ЎФФ Ижроия Қўмитасининг янги аъзоси сифатида навбатдаги Конференцияда кейинги муддат учун сайловга қўйилади.

“Билдирилган ишонч учун миннатдорман. Умид қиламанки, бўлажак ишларимиз мамлакатимизда футбол ривожи учун ҳисса қўшади”,деди Равшанхон Джураев.

“Равшанхон Джураевни ЎФФ Ижроқўми аъзоси этиб тасдиқлангани билан табриклайман”,деди ЎФФ Президенти Умид Аҳмаджонов. “UzReport ахборот агентлиги ЎФФ Маркетинг бошқармаси ва ЎзПФЛ билан ҳамкорликда катта лойиҳаларни амалга оширишига умид қиламан”.

Равшанхон Джураев 1971 йил 23 февраль куни таваллуд топган. Маълумоти олий. 1994 йили Тошкент давлат университетини тамомлаган. Фаолияти давомида бир қатор ташкилотларда раҳбарлик лавозимларида ишлаб келган. 2010 йилдан буён UzReport ахборот агентлиги Бош директори лавозимида фаолият юритмоқда.

UzReport ахборот агентлиги 1999 йилда ташкил топган. 2014 йили агентлик қошида UzReport TV, 2017 йили эса Futbol TV телеканаллари ташкил қилинди. Футбол бўйича Анлгия ва Испания чемпионатлари, шунингдек, Европа Чемпионлар Лигаси ва Европа Лигаси ўйинлари трансляцияси ҳуқуқини харид қилган телеканал мазкур учрашувларни жонли равишда мухлислар эътиборига ҳавола этмоқда.

Маълумот учун, ЎФФ Ижроия Қўмитаси таркиби 11 кишидан иборат. Қуйида Ижроқўмнинг тўлиқ таркиби билан танишиш мумкин.

ЎФФ Ижроия Қўмитаси таркиби

1. Умид Аҳмаджонов – ЎФФ Президенти

2. Шоакром Исроилов – ЎФФ Биринчи вице-президенти

3. Ачилбай Раматов – ЎФФ вице-президенти

4. Пўлат Бобожонов – ЎФФ вице президенти

5. Рустам Қурбонов – Ўзбекистон жисмоний тарбия ва спорт давлат қўмитаси раиси

6. Бобур Шодиев – “Пахтакор” ФК президенти

7. Мурод Алиев – “Бунёдкор” ФК Бош директори

8. Мансур Ражабов – “Локомотив” ФК президенти

9. Комил Ярашев – Ўзбекистон Давлат жисмоний тарбия институти ректори

10. Наримон Жалолов – Ўзбекистон футбол фахрийлари кенгаши раиси

11. Равшанхон Джураев – UzReport ахборот агентлиги Бош директори 


Манба: the-uff.com


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

МАВЗУГА ОИД БОШҚА ХАБАРЛАР

Оммабоп мақолалар

Хабарингиз борми

Чемпионатлар

Жамоа Ў О
тўлиқ маълумот »

Кун фотоси

30 - Дания

Хозирча сўровнома ўтказилмаяпти.

© "Interfutbol.UZ". © 2006-2017. Мобил версия
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!
Барча ҳуқуқлар амалдаги қонунчиликка биноан ҳимояланган.