«Реал» ва «Ювентус» клублари собиқ футболчиси ҳамда ҳозирда «Челси» шарафини ҳимоя қилаётган Альваро Мората «қаймоқранглилар» форварди Криштиану Роналду учун гол уриш қанчалик муҳимлигини айтиб ўтди.
Португалиялик футболчи Ла лига 11-тури доирасида «Лас-Пальмас»га (3:0) қарши кечган баҳсда ҳам гол ура олмади. У Исконинг голига ҳаммуаллиф бўлди, бироқ рақиб дарвозаси ишғол қилингандан сўнг голни хурсандчилик билан нишонламаган ва бу кўплаб баҳс-мунозараларга сабаб бўлмоқда.
«Бу Роналду ҳақида кўп нарсани айтиб беради. Балки, бу ҳолатни ташқаридан кўраётган ва футболчи бўлмаган одам уни ноҳақ санаши мумкин. Аммо у ундай эмас ва айнан мана шундай сифатлари билан Криштиану футбол тарихидаги энг яхшилар қаторига кира олди.
Унинг асабийлашаётгани табиий ҳол, чунки у ҳар бир ўйинда 3-4 та гол уришга ўрганган, бу ерда эса бирорта ҳам уролмади. Роналду жамоанинг ғалабаларида қувонади, бироқ у гол уришни севади ва унинг бахти ҳам шунда. Мен ҳам баъзида шундай ҳолатни бошдан кечираман, лекин бунчалик даражада эмас», — дейди Мората.
Манба: www.iff.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20