«Милан» афсонаси - теннисчи, «Интер» юлдузи - волейболчи, «Барселона»ники эса - бейсболчи. Хоккейда ҳам футболчилар бўлган ва қуйида улар ҳақида батафсил танишасиз.

Лев Яшин - хоккей ва чим устида хоккей

Собиқ иттифоқда спортнинг икки тури - хоккей ва чим устида хоккейда юздузликка эришганлар анчагина. ­Николай Старостин бу масалага қизиқиш билдириш билангина чекланган бўлса, Численко жиддий шуғулланган, Гранаткин эса ҳар иккисида салмоқли натижаларга эришган.

Футбол мураббийлари ҳар сафар «икки касб эгалари»ни койишар ва улардан спортнинг бир турини танлашни талаб қилишарди. Москванинг «Динамо» клуби ўйинчилари спортнинг чим устида хоккей турида кўплаб совринларга эга бўлишгани боис, «икки касб эгаси» бўлиб қолишни маъқул топишарди.

Шу тариқа, ёш Лев Яшин шайбаларни ушлай бошлади, баъзида эса коптокларни ҳам - чим устида хоккей ўйнади. Аммо ўрганиб қолган хоккейида ҳам ишлари ёмон кетмади - «Динамо» собиқ иттифоқ биринчилигида бронза эгаси бўлди, кубокни қўлга киритди, аммо Яшин борлиғи билан футболга берилиб кетгани учун хоккей бўйича ЖЧ-54 «заявка»сига киритилмади.

Афсус, шундай бўлганида у захира ўйинчиси сифатида бўлса-да жаҳон чемпионига айланармиди - худди илк бор собиқ совет хоккейчилари жаҳонда энг яхши бўлганлари каби мундиалнинг энг буюк ўйинчиларидан, ҳужумчиларидан бири сифатида тарихга муҳрланармиди?

Всеволод Бобров - хоккей ва чим устида хоккей

Армиячиларнинг афсонавий форварди - юқорида айтиб ўтганимиз - энг яхши ҳужумчи, Стокгольмда ўтган хоккей бўйича жаҳон чемпионатида ўз амплуаси бўйича энг яхши, деб топилди.

Сўнгги турда - ғолиб гуруҳ босқичида аниқланди, Канада тор-мор этилди - 7:2, Чехословакия мағлубиятга учратилди - 5:2, финлар - 7:1, норвеглар - 7:0 ҳам. Терма чинданам жуда кучли эди, футболчи Бобров эса - жамоанинг энг яхши хоккейчиси.

У хоккей бўйича 7 карра мамлакат чемпиони бўлди, икки бор - жаҳон, бир марта - Олимпияда чемпиони сифатида эътироф этилди. Стокгольмдаги ўша таркибда шунингдек, футбол ҳимоячиси - Бичков ҳам бор бўлиб, у - хоккейда ҳужумчи, спортнинг ҳар икки турида форвард бўлган - Шувалов, чим устидаги хоккейда хавбек ва ҳимоячи бўлган Виноградов бўлганди.

Уларга яна Яшин қўшилганидами - хоккейда «олтин»га эга бўлган футболчилар жамоаси пайдо бўларди. Ҳозир эса Акинфеевни Россия хоккей термаси дарвозабони сифатида, Дзюбани эса клюшка билан тасаввур қилиш жуда ҳам қийин.

Йохан Неескенс - бейсбол

Венесуэлалик, япониялик ёки америкалик футболчилар кучли профессионал бейсболчилар бўлиб чиқишлари кутилганмиди? Голландия термасининг ҳамма замонлардаги энг буюк ўйинчиларидан бири, энг яхши бўлишига адаши Кройф ҳалақит қилган инсон ёшлигида бейсбол бўйича Римда ўтган Европа биринчилигида энг яхши деб топилганди.

Кейинчалик Неескенс «Аякс» ва «Барселона» билан футболда 6 бор еврокубокларни қўлга киритди!

Симен Агдестейн - шахмат

Симен Норвегия термаси сафида футболчи сифатида 8 марта майдонга тушди, 9 мавсум давомида ҳужумда тўп сурди. Аммо у шахматда янада кўпроқ муваффақиятларга эришди.

15 ёшида мамлакат чемпиони бўлди, кейин яна 6 марта бу муваффақиятни такрорлади. 80-йиллар бошларида жаҳон экс-чемпиони Спасскийни ҳам мағлуб этди, Норвегия тарихида илк бор гроссмейстер мақомига эга бўлди, шахмат бўйича амалдаги жаҳон чемпиони Карлсенни тарбиялашга ҳисса қўшди - «Реал» фанати бўлган Магнусда футболга муҳаббат мана қаердан пайдо бўлган!

Клайв Аллен - америкача футбол

Лондонда туғилган ҳужумчи пойтахтнинг 7та клуби шарафини ҳимоя қилди - «КПР», «Арсенал», «Кристал Пэлас», «Тоттенхэм», «Челси», «Вест Хэм» ва «Миллуол».

Клайв ўтган асрнинг 80-йилларида футбол бўйича Англия термасида ўйнади, кейин америкача футболга ўтиб, кикер - тўпга оёғи билан зарба берадиган ўйинчига айланди.

Тўғри, унинг профессионал клуби «Лондон Монакс» бир йилдан кейин тарқаб кетди, аммо Аллен «йўқолиб қолмади» - ҳозир у «Тоттенхэм»нинг ёшлар жамоасини шуғуллантиряпти.

Фабьен Бартез - автопойга

Ежи Дудекдай яна бир голкипер каби, Фабьен ҳам катта тезликни ёқтиради. Бу йил «Ле Маннинг 24 соати» пойгасида у 6-ўринда кетаётган бўлса-да, техник муаммолар сабаб дистанцияни эрта тарк этишга мажбур бўлди.

Футбол бўйича жаҳон биринчилиги баҳсларининг 10тасида дарвозаси «қуруқлиги»ни таъминлаган рекордчи илк бор автопойгада иштирок этганда жала сабаб 13-бўлиб маррага етиб келганди.

Шунга қарамай, ҳозирда автопойгачи Фабьен ҳисобида «Гран Туризм» классида Франция чемпиони деган ном бор. Тўғри, Шумахер даражасидаги натижа эмас-у, автопойгани ўзи учун анча кеч кашф қилган инсон учун ёмон ҳам эмас-да!

Брюс Арена - лакросс

Америка фильмларини кўрганимизда бу сўз тез-тез қулоғимизга чалиниб туради ва лакроссни асосан талабалар ўйнашидан ҳам бохабармиз.

Футбол бўйича АҚШ термаси мураббийи Бруклинда туғилди, аммо Лонг-Айлендда вояга етди ва америкалик футболчи  сифатида коллежда ўқимоқчи бўлди.

Аммо жуда озғинлик қилди ва шу боис, ҳимоячи сифатида соккер бўйича жамоага борди, лекин профессионал посбонга айланди. Футболчи сифатида тилга тушмади-ю, 1974 йили ликросс бўйича ЖЧни ютиб олди.

Хенрик Ларссон - флорбол

Флорбол бу шунчаки болалар ўйини эмас, балки спортнинг алоҳида бир тури. 20 йилдан кўпроқ вақтдан бери Европа биринчиликлари ва қарийб 20 йилдирки - жаҳон биринчилиги ўтказиб келинмоқда.

У тешикли копток билан залда хоккей ўйнашни эслатади. Мазкур спорт тури Скандинавияда анча ривожланган ва Хенрик Ларссон футболдан кетгач, ёшлигидаги қизиқишларини эслади.

«Хельсинборг» флорбол жамоаси форвардни ўз сафига қабул қилди ва Хенрик биринчи ўйиндаёқ икки бор ассислик қилиб, баҳс ўйинчисига айланди!

Кертис Вудхаус - бокс

Футбол тўғрисида барча нарсадан хабардор бўлгани ҳолда Кертис ҳақида ҳеч нарсани билмаслик уят эмас, зеро Вудхаус АПЛда 3 мартагина «Бирмингем» шарафини ҳимоя қилди, «Шеффилд Юнайтед» учун ўйнади. Аммо нима бўлган тақдирда ҳам, у профессионал даражадаги ўйинчи эди - 347та баҳсда иштирок этди, 90-йилларда инглизларнинг ёшлар термаси учун югурди.

Энг қизиғи эса 2006 йилда бошланди - Вудхаус «Троллей учун овчи» лақаби билан маълум бўлган боксчига айланди! Профессионал рингдаги 7та баҳсни бой берган бўлса-да, 22та жангни (13тасини нокаут билан) ўз фойдасига ҳал қилди. Боксга параллел равишда футбол билан шуғулланган ўйинчи учун ёмон натижа эмас!

Будевейн Зенден - дзюдо

Зенден ёшлигидан «юмшоқ йўл»ни танлаганди. Дзюдога бўлган қизиқиш келгусида «Челси», «Барселона» ва «Ливерпуль» футболчисига айланган йигитнинг дзюдода ҳам яхши натижалар қайд этишига сабаб бўлди - у 14 ёшида қора белбоғ соҳиби бўлди.

Будевейнни жанг санъатлари бўйича буюк иқтидор сифатида улуғлашар, у эса маҳаллий мусобақаларда ғолиб бўлишда давом этарди. Футболда  ҳам Зенден курашишни уддалай билди, тўпга зарба беришни эса татамида рақибини чалиб йиқитишдан кўра яхшироқ уддалади.

Луис Энрике - триатлон ва марафонча югуриш

«Барселона»нинг собиқ мураббийи кетма-кет уч йил - 2006 йилдан 2008 йилгача, Франкфурт марафонида иштирок этди. Мазкур спорт турида айнан ўша йиллардан кенияликлар кетма-кет 13 марта ғолиб бўлишни анъанага айлантирган бўлсалар-да, испан ҳам анча иродали чиқиб қолди.

Шу тариқа, Луис жаҳон миқёсидаги ўнлаб марафонларда иштирок этди, эришган натижа­лари ҳам ҳаваскорлар учун ёмон эмасди. Энрике ҳатто «ёввойи марафонлар»да ҳам қатнашди ва бир марта Сахара бўйлаб бор анжомлари билан 250 км. масофани босиб ўтди. Тўғри, унинг мураббийлик карьерасини марафонча деб айтиб бўлмайди - бир клубда узоқ вақт югуришни хоҳламайди.

Златан Ибрагимович - тэквондо

Швецияда қора, Италияда фахрий қора белбоғ соҳиби. Ибра - жуда ҳам айёр, ахир кучли ҳаваскорлар профи жангда рақиби 30 кг.га ундан енгил бўлса ва бўйи 20 см.га паст бўлса, жиддий жароҳат етказиб қўйиши ҳеч гап эмасда.

Ахир қўл ва оёқларнинг бир ҳаракати ҳамма нарсани ҳал қилиши мумкин. Аммо ҳазилсиз Мейвезерга қарши баҳс  ҳақида - унинг Златанга қарши жангги Макгрегорга қарши бўладиганига қараганда анчагина қизиқарли ўтиши мумкин эди, зеро швециялик таэквондо усталарининг айтишича, Златаннинг тайёргарлиги анчагина юқори.

Нимага? Боиси, у машғулотларга ўта жиддий қарайди.

Жо Харт - крикет

Англия терма жамоаси ва «Торино»нинг бўлғуси  посбони ёшлигида крикет ўйнарди. Бўйдор, ажойиб зарба эгаси, коптокни соатига 85 миль узоққа улоқтириш қувватига эга бўлган йигитчага мураббийлар Англиянинг энг иқтидорли крикетчиларидан бири сифатида қарашарди.

Аммо 2005 йили у футболни танлади, худди 80-йилларда Гари Линекер шундай қарорга келгани каби. Унинг ҳудуд лигасидаги 3 йиллик иштироки эса - ўсмирлик пайтидаги максимум натижа бўлиб қолди. Балки, у крикет юлдузи бўлиб қолиши керакмиди? Шундай бўлганда, у Гвардиолага тўқнаш келмаслиги аниқ эди.

Паоло Мальдини - теннис

Буюк футбол карьерасини тамомлаганидан сўнг бизнес ва саргузаштлар излаш билан астойдил шуғуллана бошлаган Паоло - ҳайратда қолдирувчи «подкатлари» билан футбол тарихидаги энг кучли ҳимоячилардан бири ҳисобланади.

Аммо вақтики келиб, у ҳаракатчанлиги ва машғулотларга бўлган қизиқишини йўқотди. Июнь охирларида Паоло профессионал теннисга қизиқиш билдирди, аммо мазкур спорт туридаги профессионал карьераси узоққа бормади.

Милан «челленжери»даги жуфтлик баҳсида олдиндан башорат қилинганидай мағлуб бўлди - 1:6, 1:6. Зеро, Паолонинг ёши 49да бўлиб, янги спорт турини ўзлаштириши учун анчагина кеч эди.  Лекин Мальдинидаги теннисга бўлган муҳаббатни ҳар қанча мақтаса арзийди.

Иван Перишич - пляж волейболи

Перишич болалигиданоқ қум устида қўл билан тўп ўйинининг марказида бўлди. Шартномаси 50 млн. еврони ташкил қиладиган хорватиялик хавбекнинг пляж футболидаги старти сонияларгина давом этди, дейиш мумкин. 

Профессионал мусобақада жуфти Никшей Дель~Ор-ко билан қатнашди, анчайин кучли волейболчиларга қарши ўйнаганлари учун ҳар уч бўлимни бой берди.

Аммо кўнгли тўлгани аниқ, ахир болаликдаги орзуси амалга ошди-да. «Интер» эса жиддий жарима кўриш масаласини ўйлаяпти, ахир футболчи жароҳат олиши мумкин эди-ку.

Роналду, Месси ва уларнинг компанияси спортнинг яна қайси турларида ўзларини кўрсатишлари мумкин эди?

Перишич, Мальдини ва ўзлари учун бошқа спорт иқтидорларини кашф этувчиларга тилагимиз - ўйиндан илҳом ола билишсин.

Ахир 21-асрда - ҳар бир спорт тури учун спортчиларга маълум бир стандарт пайдо бўлган бир пайтда мультиспортчи атлетларни кўриш барибир, ёқимли-да.

Балки, Роналду кейинроқ ўзида трамплиндан сакраш бўйича Португалия чемпионини тарбиялай олар? Месси аргентиналик бобслейчига айланар?

И.ОБИДОВ тайёрлади