Каталониянинг “Барселона” клуби бош мураббийи Эрнесто Вальверде Чемпионлар лигасининг 5-турида  “Ювентус”га қарши учрашувдан олдин рақиб жамоа хақидаги фикрларини билдириб ўтди.

"Шубҳасиз, биз бугун “Ювентус” дан юқори савиядаги ўйинни намойиш қилишини кутяпмиз. Улар очиқ футбол намойиш қилишлари аниқ, чунки уларга ғалаба муҳимроқ. Лекин “Барселона” ҳам “Ювентус” каби ғалабага ташна. Ўйин давомида икки жамоа ҳам тўпни ўзларида кўпроқ ушлаб туришга харакат қилишлари аниқ.

Кимни “Ювентус” таркибидан олиб ташлардим? “Ювентус” га нисбатан хурматим, қўрқувимдан кучлироқ деб ўйлайман. Агар Дибалани таркибга киритмасам “Ювентус”да ижодкорлик йўқолади. Лекин тезкор ҳужумлар учун, Игуаин бор, дарвозада Буффон, ҳимояда жисмонан кучли ўйинчилар, марказда эса Пьянич бор.

Агар “Ювентус” таркибидан кимнидир олиб ташлаш имкони бўлганда, бутун жамоа футболчиларини олиб ташлашга тайёр эдим”, - дейди Вальверде. 

Маълумот учун, “Ювентус” – “Барселона” учрашуви бугун 23 ноябрь кунига ўтар кечаси соат 00:45 да бошланади.