«Реал» ярим ҳимоячиси Гарет Бэйлнинг агенти Жонатан Варнетт мижозининг келажакдаги режалари ҳақида гапирди. «Бэйл фантастик ўйин кўрсатади. У энг кучли уч футболчидан бири. Агар ҳаммаси жойида бўлса, икки ҳафтадан сўнг яна ақл бовар қилмас даражада тўп сура бошлайди. Ҳозирча кўриб турибмиз, Гаретда ҳаммаси яхши. Ўйлашимча, мухлислар уни қўллаб-қувватлашлари керак. Бу айни дамда жуда муҳим. Бэйл фаолиятининг қолган қисмини «Реал»да ўтказмоқчи», - деди Варнетт.

Шу ўринда айтиш жоизки, мадридликлар сардори Серхио Рамос «Қироллик клуби» раҳбариятидан таркибни кучайтиришни талаб қилди. У Флорентино Перес билан учрашиб, кимни сотиб олиш кераклигини айтди. 31 ёшли ҳимоячи «Реал»да Давид Де Хеани кўришни истаётганини таъкидлади.

Айтганча, «Реал» клуби «ПСЖ» ҳужумчиси Неймарни қўлга киритиш вариант­ларини ўрганиб чиқмоқда. 25 ёшли бразилия­лик «Қироллик клуби»га ўз шартини қўйишга улгурди. Криштиану Роналду ­«Реал»да ўйнар экан, Неймар ҳеч қачон бу жамоага ўтмаслигини маълум қилди. Бу ҳақда Don Balon нашри хабар тарқатди. Бразилиялик ҳужумчи Лионель Месси борлиги учун ёзда «Барселона»ни тарк этганди. Энди бошқа бир юлдузнинг соясида юришни истамаяпти. Эслатиб ўтамиз, ­Криштиану Роналдунинг «Реал» билан шарт­номаси 2021 йилнинг ёзида ниҳоясига етади.