Англия Премьер-Лигасининг 15-туридан ўрин олган марказий “Арсенал” ҳамда “Манчестер Юнайтед” жамоалари ўртасидаги учрашув якунига етди. Учрашувда меҳмонлар 3:1 ҳисобида ишончли ғалабани қўлга киритишди.

Дастлаб, учрашувда ҳимоячи Антонио Валенсия тезкор голи билан “қизил иблислар”ни олдинга олиб чиқди. 11-дақиқада Жесси Лингард Петр Чех қўриқлаётган дарвозани ишғол қилиб, ҳисобни 2:0 кўринишига келтирди.

Жамоалар танаффусга айнан шу ҳисобда йўл олишди. Иккинчи бўлим бошланиши билан Александр Ляказетт Санчеснинг узатмасидан сўнг орадаги фарқни биттага қисқартиришга эришди.

Шундан сўнг 63-дақиқада яна Жесси Лингард катта саҳнага чиқиб Погбанинг узатмасидан кейин очиқ қолган дарвозага гол урди.

75-дақиқада “қизил иблислар” ярим ҳимоячиси Поль Погба Эктор Бельеринга қарши баҳсда қўполлик ишлатди ва ҳакам уни майдондан четлатди.

10 киши бўлиб қолган Моуриньо шогирдлари ҳимояга бор эътиборларини қаратишди ва якунда “Арсенал” майдонида муҳим ғалабани қўлга киритишди.

АПЛ. 15-тур.

“Арсенал” – “Манчестер Юнайтед” 1:3.

Голлар: 0:1 – 4 Валенсия, 0:2 – 11 Лингард, 1:2 – 49 Ляказетт, 1:3 – 63 Лингард.

Арсенал – Чех, Мустафи (Ивоби, 15), Монреаль, Колашинац (Жиру, 76), Косьельни, Ўзил, Рэмзи, Санчес, Жака (Уэлбек, 70), Бельерин, Ляказетт.

Манчестер Юнайтед – Де Хеа, Смоллинг, Рохо, Валенсия, Линделеф, Погба, Янг (Рэшфорд, 90), Матич, Лингард (Дармиан, 76), Марсьяль (Эррера, 67), Лукаку.

Огоҳлантиришлар: Рохо (58), Бельерин (72), Косьельни (87), Эррера (89), Санчес (89).

Четлатиш: Погба (74).