Урганч шаҳрида фаолият юритаётган Спорт ўйинлари ва енгил атлетикага ихтисослаштирилган болалар-ўсмирлар спорт мактаби(СЎЕАИБЎСМ)да 1700 нафардан зиёд хоразмлик ўғил-қизлар спортнинг футбол, волейбол, баскетбол, қўл тўпи, енгил атлетика, стол тенниси, теннис, шахмат, чим устида хоккей ва бадминтон турлари бўйича машғулотлар ўтаяпти.
Урганч шаҳрида фаолият юритаётган Спорт ўйинлари ва енгил атлетикага ихтисослаштирилган болалар-ўсмирлар спорт мактаби(СЎЕАИБЎСМ)да 1700 нафардан зиёд хоразмлик ўғил-қизлар спортнинг футбол, волейбол, баскетбол, қўл тўпи, енгил атлетика, стол тенниси, теннис, шахмат, чим устида хоккей ва бадминтон турлари бўйича машғулотлар ўтаяпти. Ўз навбатида уларга Хоразм воҳасининг 56 нафар тажрибали ва малакали мураббийи устозлик қилмоқда. Айтиш жоизки, якунланаётган 2017 йил СЎЕАИБЎСМ учун унутилмас из қолдирди. Зеро, спорт мактабининг “Ёшлик” эркаклар қўл тўпи жамоаси Ўзбекистон чемпионатининг олий лигасида қатнашиб, шоҳсупанинг иккинчи поғонасидан жой олди. Кўплаб ёш футболчилар эса вилоятнинг 2001 йилда туғилган ўсмирлардан ташкил топган терма жамоасининг мамлакат биринчилигида кумуш, 2004 йилда туғилган ёш “чарм тўп” усталаридан иборат терма жамоасининг бронза медалини қўлга киритишига муносиб улушини қўшишди. Қозоғистон давлатининг Чимкент шаҳрида бўлиб ўтган бадминтон бўйича ёшлар ўртасидаги халқаро турнирдан Алишер Раҳматуллаев ва Умиджон Ҳайитбоев кумуш медаль билан қайтди. Бинобарин, волейболчи Машҳура Худойберганова ва Сарвиноз Султонова 16 ёшгача қизлардан иборат Хоразм вилояти терма жамоаси таркибида Ўзбекистон биринчилигида совриндор бўлишди. Бунинг баробарида, стол тенниси усталари Дониёр Бердиев, Саида Қозоқова, Фотима Ҳайитбоева, енгил атлетикачи Бобур Каримбоев, Нодира Худойберганова, Лайло Оллаберганова, бадминтончи Анвар Сотимбоев, Ғаффор Жабборов ўз ёш тоифаларида мамлакат чемпионати ва биринчиликларида ғалаба қозонишди. Шунингдек, спорт мактабининг ўнлаб шуғулланувчилари турли миқёсдаги мусобақаларнинг совриндорига айланишди. Албатта, хоразмлик ёш спортчиларнинг ушбу муваффақиятида мураббийларнинг ҳам ҳиссаси катта бўлди. Бу Урганч шаҳрида Спорт ўйинлари ва енгил атлетикага ихтисослаштирилган болалар-ўсмирлар спорт мактабининг 2017 йил якунларига бағишлаб ўтказилган тантанали маросимда эътироф этилди. Тадбирда қатнашган Хоразм вилояти жисмоний тарбия ва спорт бошқармаси бошлиғи Ш.Мадаминов фидоий устозларга миннатдорлик билдирди. Шуғулланувчилари йил давомида юқори натижаларга эришган қуйидаги мураббийлар – Алишер Рўзметов(футбол), Алишер Эримов(бадминтон), Фаррух Ражапов(стол тенниси), Садоқат Қурбонова(волейбол), Исроил Қурёзов(чим устида хоккей), Зоҳид Дўсчанов(қўл тўпи), Отабек Искандаров(енгил атлетика) бошқарма ҳамда спорт мактабининг дипломи ва совғалари билан тақдирланишди. Шунингдек, ана шундай эътирофга СЎЕАИБЎСМ директори Жамоладдин Абдуллаев, директор ўринбосари Азамат Арджанов, катта услубчи-йўриқчи Муродбек Бегжонов, услубчи-йўриқчилар Амирбек Матқулиев ва Анвар Алимовлар ҳам лойиқ кўрилишди. Шунингдек, спорт мактабининг яна бир қанча мураббийи фахрий ёрлиқ билан тақдирланди. Бундай эътибор спорт мактаби мураббийларини кириб келаётган янги – 2018 йилда ҳам шижоат билан ишлашга, янги чемпионларни вояга етказишга ундаши табиий.. Икром ХУДОЙБЕРГАНОВ.Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20