1 февраль куни Халқаро пресс-клубда Хитойда ўтган 23 ёшгача ёшлар ўртасидаги Осиё чемпионати қаҳрамонлари - бош мураббий Равшан Ҳайдаров, жамоа сардори Забиҳилло Ўринбоев, футболчилар Рустам Ашурматов, Жавоҳир Сиддиқов ва Андрей Сидоров иштирокида «Ўзбекистон футболи: янги марра, вазифа ва муаммоларнинг реал таҳлили» мавзусида давра суҳбати бўлиб ўтди.
Давра суҳбатининг асосий мавзуси Ўзбекистон терма жамоасининг Осиё майдонларида қўлга киритган муваффақиятли юриши бўлди. Давра суҳбати давомида ютуқлар билан биргаликда муаммолар ҳам муҳокама қилинди. Журналистлар ўзбек футболидаги муаммоли ҳолатлар, ечимини топиши керак бўлган масалаларда саволлар беришди.
Халқаро пресс-клуб раҳбари Шерзодхон Қудратхўжаев Ўзбекистон Республикаси президенти Шавкат Мирзиёевнинг футбол ҳақида гапирган гапларини ёдга олиб, давлат раҳбарининг миллионлар ўйинига қараётган эътиборига алоҳида тўхталди.
«Мана ёш футболчиларнинг ютуқлари муносиб баҳоланиб, президентимиз Шавкат Мирзиёев уларнинг ҳар бирига биттадан Chevrolet Malibu автомобили совға қилди. Бизда Malibu’ни вазирлар хизмат машинаси сифатида минади. Бу президентимиз футболчиларни вазирларга тенглаштирди деганидир. Бу катта ишонч ва масъулият», - дея гапириб ўтди Қудратхўжаев.
Қайд этиш керакки, Халқаро пресс-клубнинг ушбу давра суҳбати тўғридан-тўғри эфирда узатилиб, онлайн тарзда тақдим этилди.
Манба: kun.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20