Испания футбол бўғинида иккинчи ўринда турувчи лига - Сегунда доирасидаги ўйинда унутилмас гол кузатилди. Яъни дарвозабон майдоннинг иккинчи ярмидан кучли зарба йўллаб, рақиб жамоадаги амплуадошини доғда қолдирди. Бунақаси ҳар доим ҳам рўй бермайди ва тез унутилмайди.
Диққатга сазовор томони, ноёб гол муаллифи шу куни туғилган кунини нишонлаётганди. Демакки, «Луго» голкипери Хуан Карлос аввало, ўзига муносиб совға тайёрлади. Айтиш жоиз, айни пайт Примеро йўлланмаси учун курашаётган «Луго» Хихоннинг «Спортинг» клубига қарши кечган учрашувда анча қийналди, гарчи унда ғалаба иштиёқи баландроқ бўлсада. Хуллас, 2:1 кўринишида қалтис ҳисоб қайд этилаётган паллада Карлос рақиб вакиллари қайтарган тўпни кучли зарба билан олдинга тепиб юборди. Қарангки, таваккалига тепилган тўп тўғри «Спортинг» дарвозасига бориб тушди. Шу тариқа «Луго» муҳим ғалабани нишонлади, 30 ёшли Хуан Карлос эса қаҳрамон бўлди. «Энг муҳими, биз 3 очко олдик. Албатта, бағоят бахтиёрман. Очиғи, голни қандай нишонлашни ҳам билмай қолдим. Ахир бунгача бирор марта гол урган эмасдим...», - деди «Луго» голкипери ўйиндан кейин. Қизиғи, шундаки, Хуан Карлос бунгача атиги бир марта диққат марказига тушганди, холос. Боз устига, «қовун туширгани» оқибатида. Қисқаси, фаолияти давомида Испаниянинг кўплаб иккинчи даражали клубларида ўйнаган кипер битта кулгули хатоси туфайли ёдда қолганди. Аниқроқ айтсак, Карлос 2016 йилнинг март ойида тўпни шундоқ Иван Ракитич оёғига ташлаб берганди. Ўша ўйинда «Барселона» бечора «Райо Вальекано»га сира раҳм қилмай, йирик ҳисобда ғалаба қозонган, Хуан Карлос эса яна бир неча ойдан сўнг клуб билан хайрлашганди. Айтганча, дарвозабон жорий мавсум чакки ўйнамаяпти ва умумий статистикаси ҳам ёмон эмас. Дейлик, 23та ўйинда майдонга тушган Карлос улардан 8тасида дарвозаси дахлсизлигини сақлаб қолди. Мана, бунга энди нодир голни ҳам қўшиб қўйди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20