Испания чемпионатининг 23-туридан ўрин олган «Реал» – «Реал Сосьедад» учрашуви ўз ниҳоясига етди. «Сантьяго Бернабеу»да кечган баҳсда мезбонлар 5:2 ҳисобидаги ғалабани қўлга киритдилар.
Учрашувнинг илк дақиқасидаёқ мадридликлар рақиб дарвозасини ишғол қилишди: Криштиану Роналдунинг жарима майдонига узатиб берган тўпини Лукас Васкес боши билан дарвозага жойлаб қўйди.
27-дақиқа ўтиб бораётган бир вақтда Марко Асенсио иккита ҳимоячини моҳирлик билан алдаб ўтди ва тўпни Марселога узатди, ўз навбатида бразилиялик ҳимоячи Роналдуни қулай вазиятга чиқарди ва Криштиану зарба беришда адашмади - 2:2.
33-дақиқада ўнг қанотда тўпни қабул қилиб олган Васкес уни Тони Кроосга узатди, германиялик ярим ҳимоячи ўзи учун қулай нуқтадан тўпни айлантирган ҳолда дарвозага жойлаб қўйди.
Орадан тўрт дақиқа ўтар-ўтмас, Кроос жамоасининг тўртинчи голига ҳаммуаллиф бўлди. Бурчак зарбасидан узатиб берилган тўпни Роналду боши билан дарвозага аниқ йўналтирди ва ўйиндаги дублини нишонлади.
Иккинчи бўлим биринчисига нисбатан анча сокин бошланди ва баҳс сўнггига келибгина ўйин яна жонланди. 74-дақиқада Жон Баутиста мезбонлар ҳимоясидаги бўшлиқдан унумли фойдаланиб жамоасининг илк голини урди.
80-дақиқада Гарет Бейлнинг зарбасини Рульи бартараф этишга эришди, бироқ қайтган тўп Роналдуга келиб тушди ва у бўш қолган дарвозани аниқ нишонга олиб, ўйиндаги хет-тригини нишонлади. Учрашувга нуқта қўйган голга меҳмонлар ярим ҳимоячиси Асьер Ильяраменли муаллифлик қилди.
Шу тариқа, «Реал» ушбу ғалабадан сўнг очколари сонини 42тага етказиб олган ҳолда турнир жадвалининг учинчи поғонасига кўтарилиб олди.
Испания чемпионати, 23-тур
Реал Мадрид – Реал Сосьедад 5:2 (4:0, 1:2)
Голлар: 1:0 – 1 Васкес, 2:0 – 27 Роналду, 3:0 – 34 Кроос, 4:0 – 37 Роналду, 4:1 – 74 Баутиста, 5:1 – 80 Роналду, 5:2 –83 Ильярраменди.
Реал Мадрид – Навас, Рамос, Марсело, Карвахаль, Варан, Васкес (Иско, 63), Модрич (Ковачич, 63), Кроос, Асенсио (Бэйл, 73), Бензема, Роналду.
Реал Сосьедад – Рульи, Элустондо, де ла Белья, Одриосола, Навас, Сурутуса (Субельдия, 60), Ильярраменди, Каналес (Баутиста, 60), Прието, Ойарсабаль, Хуанми (Гуриди, 83).
Огоҳлантиришлар: де ла Белья (47), Карвахаль (49), Ковачич (90).
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20