«Манчестер Юнайтед» клуби бош мураббийи Жозе Моуриньо «Хаддерсфилд»га қарши ўйиндаги ғалабадан сўнг ўз фикрлари билан ўртоқлашди.

«Қийин бўлишини билардик. Осон бўлмади, аммо ўйинни яхши бошладик. Ўйлашимча, иккинчи бўлимдаги голимиз интригани ўлдирди, шундан сўнг биз ўйинни назорат қилдик.

VAR орқали голнинг бекор қилиниши? Шундай вазият бўладиган бўлса, ўз ҳиссиётларимни жиловлаш борасида бир ҳафта ишладим. Гол урасан, аммо на хурсанд бўлишингни биласан на бўлмасликни.

Ҳакам Кевин Френд қулоқчинларини ушлаганидан сўнг кайфиятим ўзгарди. Нимадир бўлаётганини тушундим. Бундай иккиланишлар ёқимсиз туюлади. Агар қарор тўғри бўлса, мен бундан жуда хурсандман, хатто унинг қурбони менинг жамоам бўлса ҳам.

Қарор тўғри ёки нотўғри эканлигини билмайман. Мен шунчаки бир нечта шарҳларни эшитдим. Агар қарор менинг жамоамга қарши бўлиб, аммо тўғри бўладиган бўлса, мен бундан шодман. Мен адолат тарафдориман.

Баъзида қарор менинг жамоамга қарши бўлади, баъзида эса бизнинг фойдамизга. Бироқ ўша вазиятда студиядагилар эмас ён ҳакам ҳақ бўлиб чиққани ҳақида бир нечта гап эшитдим», – дейди Моуриньо.