Ўйин якунларига бағишланган матбуот анжуманининг навбатдаги қисмида жамоамиз устози Рўзиқул Саъдуллаевич ва учрашувнинг энг яхши ўйинчиси дея, эътироф этилган ярим ҳимоячимиз Азизжон Ғаниевлар иштирок этишди.
Рўзиқул Бердиев: - Мухлисларимизни ғалаба билан табриклаймиз. ОЧЛда ғалабалар осонликча қўлга киритилмайди. Бугун йигитлар жуда машаққатли ишни бажаришди. Бугун рақибга ўйин бўйича ҳеч қандай имконият қолдирмадик. Уларни биргина дарвоза томон тепган зарбасини инобатга олмасак, бошқа вазият ярата олишмади.
Сайдулло Раҳматов жамоамиз ўйинчиси ҳисобланади, жамоамиздаги рақобат уни камроқ ўйинга тушишига сабаб бўлаётган эди. Биз унга ишонишда давом этамиз.
Биз агар бугунгидек ўйин кўрсатсак, ҳар қандай рақибни мағлуб этишимиз мумкин. Аммо ҳали камчиликлардан фориғ эмасмиз, мавсум энди бошланаяпти, камчиликлар устида ишлашда давом этамиз.
Тез кунда Суперлига ўйинлари старт олади. Биринчи турда бизни "Нефтчи"га қарши жиддий баҳс кутмоқда. Кейин эса орадан тўрт кун ўтиб "Ал Садд"га қарши муҳим беллашув бўлади. Жорий мавсум жамоамиз учун ниҳоятда оғир. "Нефтчи" билан ўйин ҳам қийин бўлади. Биз меҳмонда ўйнаймиз. Чемпионатдаги дастлабки ўйин ҳамиша осон кечмайди.
Таркибимизда янада кўпроқ футболчилар бўлса, ёмон бўлмасди. Биз Муборакнинг “Машъал” жамоасидан айрим ўйинчиларни таркибимизга жалб этмоқчи бўлдик, ҳаттоки сотиб олишга ҳам тайёр эдик. Начора, “Машъал” ўз футболчиларини бизга беришни ҳоҳламади. Аммо бизда иқтидорли ёш футболчилар кўп, биз ички имкониятимиздан фойдаланишда давом этамиз.
Азиз Ғаниев: -Рақибни яхши ўргангандик ва мураббийларимиз уларни бўш нуқталарини бизга уқтиришганди. Умуман ўйинда катта ташаббус билан ўйнадик ва ҳақли ғалаба қозондик. Стадионга келган мухлисларга ажойиб қўллаб-қувватлашганлари учун раҳмат айтаман. Рақиб кўп асабийлашди? Ўйини чиқмагач ҳар қандай жамоа асабларини жиловлай олмайди. Биз бугун уларга ўйин бермадик. Бу ҳам рақиб ўйинчиларини асабийлаштирган бўлиши мумкин.
Биз ҳар қандай рақиб билан курашишга тайёрмиз. У жамоада қандай ўйинчи ўйнашидан қатъий назар, майдонда ҳар доимги ишимизни қилишимиз лозим. Меҳнат қилишда ва ўз устимда ишлашда давом этавераман. Тўхташ йўқ. Майдондаги ўрнимни йўқотмасликка ҳаракат қилавераман.
Рўзиқул Бердиев: -Азиз Ғаниевда мендан кучли футболчи бўлиши учун катта имконият бор. У футбол мактабини кўрди. 18 ёшидан асосий таркиб ўйинчисига айланди. Мен 22-23 ёшимдан шундай имкониятга эга бўлганман. Азизни келажакда бунданда кучли футболчи бўлишини ҳоҳлайман. Ҳаммаси олдинда. Унда ҳали катта заҳира бор. У бу имкониятлардан тўлиқ фойдаланиши керак. Бунинг учун кўп меҳнат қилиши керак.
ОЧЛдаги бўлажак ўйин ҳақида. 5 март куни Қатарнинг “Ал Садд” клубини қабул қиламиз. Агар мухлисларимиз бугунгидек бизни стадионда қўллаб-қувватлашса, ҳар қандай рақибга қарши муносиб ўйин кўрсатамиз. Умид қиламанки, Хави келадиган учрашувда ҳар қандай об-ҳаво бўлса ҳам, стадионимиз тўлади. Биз ўз мухлисларимизга ишонамиз. Фурсатдан фойдаланиб барча мухлисларимизга, бугунги фаоллиги учун миннатдорчилик билдираман.
Манба: www.fcnasaf.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20