Биринчи бўлим “Барселона”нинг катта устунлигида ўтди, аммо гол уришга “Челси” футболчилари жуда яқин келишганди. Виллианнинг ажойиб йўллаган иккита зарбаси ҳам дарвоза тўсинларига тегди. Виллиан қисқа вақт давомида йўллаган иккита зарба “Барселона” дарвозасининг ўнг ва чап томонларига тегиб қайтди.

Шунингдек, Азарнинг йўллаган кучли зарбасига бироз аниқлик етишмади. “Барселона” эса Мессининг моҳирона ҳаракатлари эвазига ўйинда устунликни қўлига олди, Паулиньонинг бош билан йўллаган зарбасига эса бироз аниқлик етишмади. Ўйин сўнгига қадар Алонсо жарима зарбасини голга айлантириши мумкин эди, аммо Тер Штеген бу вазиятда “Барса”ни қутқарди. Курашлар ва хавфли вазиятларга бой ўтган учрашувнинг биринчи бўлимида ҳисоб очилмасдан қолди. Умуман олганда “Барселона” илк марта 2016 йилнинг февраль ойидан бери биринчи бўлимга қадар рақиб жамоа дарвозасиги бирорта тўғри зарба йўллай олмади.

Иккинчи бўлим кутилганиданидан ҳам кескин старт олди. 62-дақиқада Виллиан учинчи уринишда “Барселона” дарвозасини узоқ масофадан нишонга олди. Бразилиялик футболчииннг йўллаган зарбаси олдида Тер Штеген ожиз қолди. Лекин бу ҳали ҳаммаси эмас эди.

75-дақиқада Аспликуэтанинг қўпол хатоси эвазига Иньеста тўпни Мессига оширди ва Лео қулай вазиятда Куртуанинг ўткир бурчагини нишонга олиб, ўзининг “Челси”га қарши 9-ўйинида илк голини урди.

Ўйиннинг қолган қисмида деярли голли вазиятлар бўлмади ва шу тариқа Лондонда кечган илк учрашувда “Барселона” мағлубиятдан қутулиб қолди Энди бу тўқнашувда кейинги босқичга кимнинг чиқиши жавоб ўйинида ҳал бўлади.

ЕЧЛ, 1/8 финал.

Челси Англия – Барселона Испания 1:1 (0:0, 1:1)

Голлар: 1:0 – 62 Виллиан, 1:1 – 75 Месси.

Челси – Куртуа, Аспиликуэта, Кристенсен, Рюдигер, Мозес, Азар, Виллиан, Фабрегас (Дринкуотер, 84), Канте, Педро (Мората, 83), Алонсо.

Барселона –  тер Стеген, Умтити, Пике, Альба, Ракитич, Серджи Роберто, Паулиньо (Алеиш Видаль, 63), Бускетс, Иньеста (Андре Гомеш, 90), Месси, Суарес.

Огоҳлантиришлар: Ракитич (29), Суарес (76), Рюдигер (80), Мората (86), Бускетс (90).