Испания чемпионати 25-турининг бугунга белгиланган сўнгги баҳсида «Барселона» ўз майдонида «Жирона»ни қабул қилди ва йирик ҳисобда ғалабага эришди.

Аввалига, 3-дақиқада каталонияликлар мудофаа чизиғининг хатоси туфайли меҳмонлар ҳисобни очишди. Кристиан Порту Тер Штегенни бирга-бир вазиятга чиқиб жамоасини ҳисобда олдинга олиб чиқди.

Аммо “Барселона” мазкур голдан сўнг ўзини йўқотиб қўймади. Аксинча, тезда ҳисобни тенглаштира олди. Лионель Мессининг супер-узатмасидан сўнг Луис Суарес мувозанатни тиклади.

Шунадан сўнг мезбонлар бирин кетин голлар уришни бошлашди.

30 ва 37-дақиқаларда Лионель Месси чиройли голлари эвазига жамоасини ҳисобда олдинга олиб чиқди.

Тайм сўнгидла Коутиньонинг узатмасидан сўнг Луис Суарес учрашувдаги иккинчи голини киритди ва биринчи 45 дақиқалик 4:1 ҳисобида якунига етди.

Иккинчи бўлим ҳам кутилганидек, майдон эгаларининг хавфли ҳужумлари билан старт олди. 66-дақиқада Филиппе Коутиньо Ла-лигадаги дебют голини киритишга муваффақ бўлди. Бразилиялик футболчи ўз услубида олис масофадан тўпни дарвозага жойлаб қўйди.

76-дақиқага келиб, Дембеленинг Суаресга оширган узатмасидан сўнг якуний ҳисоб ўрнатилди – 6:1. уругвайлик футболчи ўйинни хетт-рик билан якунлади.

ИСПАНИЯ ЧЕМПИОНАТИ. 25-ТУР

БАРСЕЛОНА – ЖИРОНА 6:1 (4:1)

Голлар: 0:1 – 3 Порту, 1:1 – 5 Суарес, 2:1 – 30 Месси, 3:1 – 36 Месси, 4:1 – 44 Суарес, 5:1 – 66 Коутиньо, 6:1 – 76 Суарес.

Барселона: тер Стеген, Пике (Вермален, 64), Альба, Нелсон Семеду, Умтити, Бускетс (Паулиньо, 69), Ракитич (Серджи Роберто, 77), Коутиньо, Дембеле, Месси, Суарес.

Жирона: Буну, Рамальо, Эспиноса, Хуанпе, Адай (Планас, 46), Порту (Дуглас Луис, 70), Понс, Гарсия (Алейш Гарсия, 63), Гранель, Маффео, Лосано.

Огоҳлантиришлар: Хуанпе (62), Альба (87).