Италия чемпионати 26-тури дориасида «Рома» – «Милан» бўлиб ўтди. «Олимпико» стадионида бўлиб ўтган баҳсда миланликларнинг қўли баланд келди.

Биринчи бўлимда устунлик мезбонлар томонида бўлди ва римликлар бир қатор хавфли вазиятларни ярата олдилар, бироқ рақиб дарвозасига йўл топиш насиб этмади. Иккинчи бўлим эса буткул бошқача бўлди.

Бўлим дебютида Патрик Кутроне Сусонинг узатмасидан сўнг тўпни чиройли тарзда дарвоза томон йўлантирди ва жамоасини олдинга олиб чиқди. 74-дақиқада Никола Калинич аниқ узатма билан Давид Калабрияни дарвозабон билан яккама-якка вазиятга чиқради ва «Милан» тарбияланувчиси зарба беришда адашмади.

Учрашувнинг қолган қисмида ҳисоб ўзгармади ва Женнаро Гаттузо шогирдлари мағлубиятсиз серияни саккизта ўйинга етказишди.

«Милан» (44 очко) А Серия турнир жадвалида «Сампдория» билан олтинчи ўринни бўлишиб турибди, «Рома» (50) эса бешинчи поғонада бормоқда.

ИТАЛИЯ ЧЕМПИОНАТИ. 26-ТУР

РОМА – МИЛАН 0:2 (0:0)

Голлар: 0:1 – 48 Кутроне, 0:2 – 74 Калабрия.

Рома: Алиссон, Манолас, Коларов, Бруно Перес, Фасио, Наингголан (Джеко, 64), Стротман, Ундер (Дефрель, 73), Пеллегрини (Жерсон, 80), Перотти, Шик.

Милан: Доннарумма, Бонуччи, Родригес, Калабрия, Романьоли, Бонавентура (Монтоливо, 90), Биглия, Чалханоглу, Кессиэ, Сусо (Борини, 82), Кутроне (Калинич, 67).