Испания чемпионати 26-тури дориасида «Севилья» ўз майдонида «Атлетико»ни қабул қилди. «Рамон Санчес Писхуан» стадионида кечган баҳсда меҳмонлар йирик ҳисобдаги ғалабани қўлга киритдилар.

Учрашувнинг 29-дақиқасида Диего Коста мадридликларни олдинга олиб чиққан бўлса, бўлим сўнггида Антуан Гризманн ҳисобни 0:2 кўринишига келтирди.

Иккинчи бўлим дебютида Гризманн пенальтини аниқ бажариб ҳисобни йирик кўринишга олиб келган бўлса, 65-дақиқада Коке жамоасининг тўртинчи голини урди. 81-дақиқада франциялик ҳужумчи ўйиндаги хет-тригини нишонлади.

Учрашув сўнггида мезбонлар Пабло Сарабия ва Нолитоларнинг голи эвазига ҳисобни бироз қисқартиришга эришган бўслсаларда, йирик мағлубиятдан қутулиб қололмадилар.

«Атлетико» (58 очко) Ла Лига турнир жадвалида иккинчи поғонани эгаллаб турибди, «Севилья» (39) эса бугунги мағлубиятдан сўнг олтинчи ўринга тушиб кетди.

ИСПАНИЯ ЧЕМПИОНАТИ. 25-ТУР

СЕВИЛЬЯ – АТЛЕТИКО 2:5 (0:2)

Голлар: 0:1 – 29 Диего Коста, 0:2 – 42 Гризманн, 0:3 – 51, пенальти Гризманн, 0:4 – 65 Коке, 0:5 – 81 Гризманн, 1:5 – 85 Сарабия, 2:5 – 89 Нолито.

Севилья: Рико, Меркадо, Эскудеро, Лангле, Навас (Лайюн, 18), Корреа (Бен-Йеддер, 60), Сарабия, Банега, Васкес (Нолито, 70), Нзонзи, Муриэль.

Атлетико: Облак, Годин, Филипе Луис, Хименес, Врсалько, Сауль, Коке (Витоло, 71), Парти (Корреа, 64), Габи, Гризманн, Диего Коста (Гамейро, 76).

Огоҳлантиришлар: Диего Коста (28), Корреа (32), Хименес (47), Эскудеро (68), Васкес (70), Сауль (90).